سولتۇستىك قازاقستان وبلىسىنىڭ ورتالىعى پەتروپاۆل قالاسىندا 26 اقپان كۇنى «اۋىل الەمنىڭ 100 تىلىندە» تاقىرىبىمەن ۇلتتىق دياسپورالار كورمەسى ءوتتى. شاراعا «اۋىل» پارتياسىنان قر پارلامەنتىنىڭ ءماجىلىسى دەپۋتاتتىعىنا كانديداتتار قايرات ايتۋعانوۆ، نيكولاي ارسيۋتين، سۆەتلانا پروكوپەۆا، سوفيا ابدىرازاقوۆا، احمەتجان اسكەروۆ، رابيعا توقسەيىتوۆا قاتىسىپ، دياسپورا وكىلدەرىمەن كەزدەستى.
سولتۇستىك قازاقستان ءوڭىرى – قىزىل يمپەريا كەزەڭىندە دەپورتاتسياعا ۇشىراپ، ءماجبۇرلى تۇردە قونىس اۋدارىلعان سان ۇلت وكىلدەرى مەيىربان قازاق ۇلتىنان پانا تاۋىپ، ءوسىپ-ونگەن ولكە. ستاليندىك سولاقاي ساياسات سالدارىنان جويىلىپ كەتۋ قاۋپى تونگەن ۇلت وكىلدەرىنە كەڭقولتىق قازاق تورىنەن ورىن بەرىپ، ءبىر ءتىلىم نانىن ءبولىپ جەدى. سول كەزدە كۇشتەپ قونىستاندىرىلعان ۇلتتاردىڭ ۇرپاقتارى بۇگىندە اتالعان وڭىردە سان ەڭبەك ەتەدى. ولار وسى كۇنگە وزدەرىن اجال اۋزىنان الىپ قالعان قازاق حالقى، قازاق اۋىلدارى ارقاسىندا جەتكەنىن ۇمىتقان ەمەس. سونىڭ قۇرمەتىنە جانە اۋىلدى قولداۋ ماقساتىندا «اۋىل الەمنىڭ ءجۇز تىلىندە» اتاۋىمەن كورمە ۇيىمداستىردى.
«وسى كورمەگە كەلگەن بارشامىزدىڭ اتا-اجەمىز مۇندا، قازاقتىڭ قاسيەتتى جەرىنە ءوز ەركىمەن كەلمەگەن. سوناۋ سۇراپىل سوعىس جىلدارىندا، ەر ازاماتتارىمىز قان مايداندا جاۋمەن ارپالىسىپ جاتقاندا كوممۋنيستەر وپاسىزدىقپەن قاپ تاۋىنداعى حالىقتاردى قارۋدىڭ كۇشىمەن قىس ىشىندە ماجبۇرلەپ كوشىردى. ول قاسىرەتتى كۇن – كەڭەس اسكەرى قۇرىلعان اقپاننىڭ 23-ءى بولاتىن. كورمەنى دە سوعان ورايلاستىردىق. اش-جالاڭاش، ايدالىپ كەلگەن 100 مىڭداعان كەمپىر-شال مەن بالا-شاعانى قاقاعان قىستا ايدالاعا اكەلىپ توگىپ تاستاعاندا ولاردى تىكتەپ كەلگەن اجال تىرناعىنان قۇتقارىپ قالعان وسى قازاق حالقى، قازاق اۋىلدارى بولاتىن. قازاقتان تەك تاۋ حالقى ەمەس، قىزىل كوممۋنيستەردەن تەپەرىش كورگەن مىڭداعان پولياك مەن ۋكراين دا پانا تاپتى. اتالارىمىز بىزگە قازاقتان، قازاق اۋىلدارىنان كورگەن جاقسىلىقتارىن اۋىزدارىنان تاستاماي ايتىپ، جاقسىلىقتى تەك جاقسىلىقپەن قايتارۋ كەرەكتىگىن وسيەت قىلىپ، اماناتتاپ كەتتى. اماناتقا قيانات جۇرمەيدى. ءبىز قاشاندا اۋىلدى قولدايمىز»، - دەدى كورمەگە كەلگەندەر الدىندا ءسوز العان قاپ تاۋلىق دياسپورا وكىلى.
سولتۇستىك قازاقستاننىڭ قۇنارلى توپىراعىنان ىرىزدىعىن ايىرىپ جۇرگەن دياسپورالار وكىلدەرى جەر مەن اۋىلدىڭ جانە اۋىل شارۋاشىلىعىنىڭ قامىن ويلاۋشى وزدەرىمەن مۇددەلەس پارتيا وكىلدەرىن جىلى قابىلداپ، سوزدەرىن ىقىلاسپەن تىڭدادى. پارتيا سايلاۋالدى باعدارلاماسىنىڭ باعىتتارىنا قىزىعۋشىلىق تانىتىپ، قولداۋ ءبىلدىردى. وزدەرىن تولعاندىرىپ جۇرگەن ماسەلەلەلەردى دە ورتاعا سالىپ، سۇراقتار قويدى. كانديداتتارعا ۇسىنىستارىن اماناتتادى.
ماتەريالدىڭ اقىسى «اۋىل» حدپپ سايلاۋ قورى قاراجاتىنان تولەندى.
