Soltüstık Qazaqstan oblysynyŋ ortalyǧy Petropavl qalasynda 26 aqpan künı «Auyl älemnıŋ 100 tılınde» taqyrybymen ūlttyq diasporalar körmesı öttı. Şaraǧa «Auyl» partiiasynan QR Parlamentınıŋ Mäjılısı deputattyǧyna kandidattar Qairat Aituǧanov, Nikolai Arsiutin, Svetlana Prokopeva, Sofiia Äbdırazaqova, Ahmetjan Äskerov, Rabiǧa Toqseiıtova qatysyp, diaspora ökılderımen kezdestı.
Soltüstık Qazaqstan öŋırı – qyzyl imperiia kezeŋınde deportasiiaǧa ūşyrap, mäjbürlı türde qonys audarylǧan san ūlt ökılderı meiırban qazaq ūltynan pana tauyp, ösıp-öngen ölke. Stalindık solaqai saiasat saldarynan joiylyp ketu qaupı töngen ūlt ökılderıne keŋqoltyq qazaq törınen oryn berıp, bır tılım nanyn bölıp jedı. Sol kezde küştep qonystandyrylǧan ūlttardyŋ ūrpaqtary bügınde atalǧan öŋırde san eŋbek etedı. Olar osy künge özderın ajal auzynan alyp qalǧan qazaq halqy, qazaq auyldary arqasynda jetkenın ūmytqan emes. Sonyŋ qūrmetıne jäne Auyldy qoldau maqsatynda «Auyl älemnıŋ jüz tılınde» atauymen körme ūiymdastyrdy.
«Osy körmege kelgen barşamyzdyŋ ata-äjemız mūnda, qazaqtyŋ qasiettı jerıne öz erkımen kelmegen. Sonau sūrapyl soǧys jyldarynda, er azamattarymyz qan maidanda jaumen arpalysyp jatqanda kommunister opasyzdyqpen Qap tauyndaǧy halyqtardy qarudyŋ küşımen qys ışınde mäjbürlep köşırdı. Ol qasırettı kün – Keŋes äskerı qūrylǧan aqpannyŋ 23-ı bolatyn. Körmenı de soǧan orailastyrdyq. Aş-jalaŋaş, aidalyp kelgen 100 myŋdaǧan kempır-şal men bala-şaǧany qaqaǧan qysta aidalaǧa äkelıp tögıp tastaǧanda olardy tıktep kelgen ajal tyrnaǧynan qūtqaryp qalǧan osy qazaq halqy, qazaq auyldary bolatyn. Qazaqtan tek tau halqy emes, qyzyl kommunisterden teperış körgen myŋdaǧan poliak men ukrain da pana tapty. Atalarymyz bızge qazaqtan, qazaq auyldarynan körgen jaqsylyqtaryn auyzdarynan tastamai aityp, jaqsylyqty tek jaqsylyqpen qaitaru kerektıgın ösiet qylyp, amanattap kettı. Amanatqa qiianat jürmeidı. Bız qaşanda auyldy qoldaimyz», - dedı körmege kelgender aldynda söz alǧan Qap taulyq diaspora ökılı.
Soltüstık Qazaqstannyŋ qūnarly topyraǧynan yryzdyǧyn aiyryp jürgen diasporalar ökılderı jer men auyldyŋ jäne auyl şaruaşylyǧynyŋ qamyn oilauşy özderımen müddeles partiia ökılderın jyly qabyldap, sözderın yqylaspen tyŋdady. Partiia sailaualdy baǧdarlamasynyŋ baǧyttaryna qyzyǧuşylyq tanytyp, qoldau bıldırdı. Özderın tolǧandyryp jürgen mäselelelerdı de ortaǧa salyp, sūraqtar qoidy. Kandidattarǧa ūsynystaryn amanattady.
Materialdyŋ aqysy «Auyl» HDPP sailau qory qarajatynan tölendı.
