ءاليحانتانۋشى-عالىم، حالىقارالىق جۋرناليست ءجۇسىپ سۇلتان حان اققۇلۇلى پارلامەنت ءماجىلىسى دەپۋتاتتىعىنا ۇمىتكەر قۇقىعىن قايتارىپ الدى، دەپ حابارلايدى “ادىرنا” ۇلتتىق پورتالى.
“مەنىڭ ارداقتى سايلاۋشىلارىم! مەن قايتادان ۇمىتكەرمىن. پارلامەنت ءماجىلىسى دەپۋتاتتىعىنا ۇمىتكەر قۇقىمدى قايتارىپ الدىم!
سونىمەن، تۋرا 3 تاۋلىكتەن سوڭ، دۇيسەنبىدە (27.02.) كۇنى قاتە دەكلاراتسيانى جىبەرگەن دەپارتامەنتكە بارىپ، ونىڭ وتىرىگىن بۇلتارتپاي دالەلدەپ بەرگەن سوڭ، كەشكىسىن استانا قالالىق جانە № 1 اسك توراعالارى، ءتىپتى الگى دەپارتامەنتتىڭ وكىلى مەنىڭ كونستيتۋتسيالىق قۇقىمدى قالپىنا كەلتىرگەنىن جانە ەندى سايلاۋالدى ناۋقانىمدى جالعاستىرۋعا بولاتىنىن حابارلادى.
ءاليحان بولماسام دا، ۇقساپ باعىپ، مەنى ۇمىتكەرلىكتەن شىعارىپ اۋرە-سارساڭعا سالعان بيلىككە، ءسويتىپ داۋىس بەرۋشىلەرىمنىڭ قاتارىن كوبەيتىپ بەرگەنىنە شىن جۇرەكتەن العىس ايتامىن!
ەگەر ءاربىر كوزى اشىق، كوكىرەگى وياۋ ازامات ءوز داۋىسىن ءوز قالاعان ۇمىتكەرىنە بەرسە، پارلامەنت پەن ماسليحاتقا لايىقتى دەپۋتات وتەدى. ءبىزدىڭ تاعدىرىمىز – ءوز قولىمىزدا. وسىنى ۇمىتپايىق!”،-دەدى ءجۇسىپ سۇلتان حان اققۇلۇلى.
