Álıhantanýshy-ǵalym, halyqaralyq jýrnalıst Júsip Sultan Han Aqqululy Parlament Májilisi depýtattyǵyna úmitker quqyǵyn qaıtaryp aldy, dep habarlaıdy “Adyrna” ulttyq portaly.
“Meniń ardaqty saılaýshylarym! Men qaıtadan úmitkermin. Parlament Májilisi depýtattyǵyna úmitker quqymdy qaıtaryp aldym!
Sonymen, týra 3 táýlikten soń, dúısenbide (27.02.) kúni qate deklaraııany jibergen Departamentke baryp, onyń ótirigin bultartpaı dáleldep bergen soń, keshkisin Astana qalalyq jáne № 1 ASK tóraǵalary, tipti álgi Departamenttiń ókili meniń konstıtýııalyq quqymdy qalpyna keltirgenin jáne endi saılaýaldy naýqanymdy jalǵastyrýǵa bolatynyn habarlady.
Álıhan bolmasam da, uqsap baǵyp, meni úmitkerlikten shyǵaryp áýre-sarsańǵa salǵan bılikke, sóıtip daýys berýshilerimniń qataryn kóbeıtip bergenine shyn júrekten alǵys aıtamyn!
Eger árbir kózi ashyq, kókiregi oıaý azamat óz daýysyn óz qalaǵan úmitkerine berse, Parlament pen Maslıhatqa laıyqty depýtat ótedi. Bizdiń taǵdyrymyz – óz qolymyzda. Osyny umytpaıyq!”,-dedi Júsip Sultan Han Aqqululy.
