وتباسى قايتىس بولعان قىزدارعا اكىمدىك پاتەر سىيلادى

2003

پاۆلودار وبلىسىندا بۇكىل وتباسىنان ايىرىلعانە اپالى -ءسىڭلى قىزدارعا اكىمدىك ءۇي بەرمەك. بۇل تۋرالى باياناۋىل اۋدانى اكىمدىگى حابارلادى.

حابارلانعانىنداي، وتباسىنان ايىرىلعان اپكەلى-سىڭلىلەردىڭ جاستارى – 17 جانە 18-دە. ەكەۋى دە باياناۋىلداعى اگرارلىق كوللەدجدە ءبىلىم الۋدا ءارى كوللەدج جاتاقحاناسىندا تۇرادى.

ورنى تولماس اۋىر قازاعا ۇشىراعان  قىزدارعا اكىمدىك باياناۋىل اۋىلىنان 24 شارشى مەترلى ءبىر بولمەلى پاتەردىڭ كىلتىن تابىستايدى. سونىمەن قاتار، جالعىز قالعان اپكەلى-سىڭلىلەردى قولداۋ ماقساتىندا اۋداننىڭ جاستار ورتالىعى ەسەپ-شوت اشتى. وبلىس اكىمى بولات باقاۋوۆ ورتتەن كوز جۇمعان وتباسىنىڭ جاقىندارىنا كوڭىل ايتتى.

«باياناۋىل اۋدانى ۇزىنبۇلاق اۋىلىندا بۇتىندەي ءبىر وتباسى قايتىس بولدى. بەكباتىروۆتاردىڭ جاقىندارى مەن تۋىستارىنا قايعىرىپ كوڭىل ايتامىن. جەرلەۋ راسىمدەرىن ۇيىمداستىرۋ شارالارىنا بارىنشا كومەگىمىزدى كورسەتەمىز»، - دەدى باقاۋوۆ.

ەسكە سالا كەتەيىك، پاۆلودار وبلىسى باياناۋىل اۋدانى ۇزىنبۇلاق اۋىلىندا بۇتىندەي ءبىر وتباسى – اكەسى، اناسى جانە ەكى بالاسى ىستان ۋلانىپ كوز جۇمدى. قايعىلى حابار توتەنشە جاعدايلار دەپارتامەنتىنە كەشكى 21:30-دا كەلىپ تۇسكەن. انىقتالعانىنداي، اناسىنىڭ اياعى اۋىر، ىشىندەگى بالاسى 5 ايلىق بولىپتى.

«06.02.2019 جىلى ساعات 21:30-دا باياناۋىل اۋدانى ۇزىنبۇلاق اۋىلىنىڭ اكىمدىگىنەن پاۆلودار وبلىستىق توتەنشە جاعدايلار دەپارتامەنتىنە حابار كەلىپ ءتۇستى. 14 شارشى مەتردى قۇرايتىن جەكە تۇرعىن ۇيدە 4 ادامنىڭ ءمايىتى تابىلىپتى. ولار: بەكبولاتوۆ رۋستام – 1979 جىلعى، بەكباتىروۆا ناتاليا – 1980 جىلعى، بەكباتىروۆا دينارا – 2004 جىلعى، بەكباتىروۆ دامير – 2007 جىلعى. اۋىل تۇرعىندارىنىڭ ايتۋىنشا، ناتاليا جۇكتىلىكتىڭ 5 ايىندا بولعان. اكەسى مەن اناسى ۋاقىتشا جۇمىسسىز ءجۇرىپتى. اۋىل اكىمى م.ا.مۇقانوۆتىڭ ايتۋىنشا، وتباسى تۇتىننەن ۋلانىپ قازا تاپقان. وقيعا ورنىندا جاۋاپتى مەكەمەنىڭ قىزمەتكەرلەرى جانە كەزەكشى پروكۋرور تەكسەرىس جۇمىستارىن جۇرگىزۋدە»، - دەلىنگەن وبلىستىق توتەنشە جاعدايلار دەپارتامەنتىنىڭ حابارلاماسىندا.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket