Otbasy qaitys bolǧan qyzdarǧa äkımdık päter syilady

2728
Adyrna.kz Telegram
https://adyrna.kz/content/uploads/2019/02/bayan-1.jpg
Pavlodar oblysynda bükıl otbasynan aiyrylǧane apaly -sıŋlı qyzdarǧa äkımdık üi bermek. Būl turaly Baianauyl audany äkımdıgı habarlady. Habarlanǧanyndai, otbasynan aiyrylǧan äpkelı-sıŋlılerdıŋ jastary – 17 jäne 18-de. Ekeuı de Baianauyldaǧy agrarlyq kolledjde bılım aluda ärı kolledj jataqhanasynda tūrady. Orny tolmas auyr qazaǧa ūşyraǧan  qyzdarǧa äkımdık Baianauyl auylynan 24 şarşy metrlı bır bölmelı päterdıŋ kıltın tabystaidy. Sonymen qatar, jalǧyz qalǧan äpkelı-sıŋlılerdı qoldau maqsatynda audannyŋ jastar ortalyǧy esep-şot aşty. Oblys äkımı Bolat Baqauov örtten köz jūmǧan otbasynyŋ jaqyndaryna köŋıl aitty. «Baianauyl audany Ūzynbūlaq auylynda bütındei bır otbasy qaitys boldy. Bekbatyrovtardyŋ jaqyndary men tuystaryna qaiǧyryp köŋıl aitamyn. Jerleu räsımderın ūiymdastyru şaralaryna barynşa kömegımızdı körsetemız», - dedı Baqauov. Eske sala keteiık, Pavlodar oblysy Baianauyl audany Ūzynbūlaq auylynda bütındei bır otbasy – äkesı, anasy jäne ekı balasy ystan ulanyp köz jūmdy. Qaiǧyly habar tötenşe jaǧdailar departamentıne keşkı 21:30-da kelıp tüsken. Anyqtalǧanyndai, anasynyŋ aiaǧy auyr, ışındegı balasy 5 ailyq bolypty. «06.02.2019 jyly saǧat 21:30-da Baianauyl audany Ūzynbūlaq auylynyŋ äkımdıgınen Pavlodar oblystyq tötenşe jaǧdailar departamentıne habar kelıp tüstı. 14 şarşy metrdı qūraityn jeke tūrǧyn üide 4 adamnyŋ mäiıtı tabylypty. Olar: Bekbolatov Rustam – 1979 jylǧy, Bekbatyrova Natalia – 1980 jylǧy, Bekbatyrova Dinara – 2004 jylǧy, Bekbatyrov Damir – 2007 jylǧy. Auyl tūrǧyndarynyŋ aituynşa, Natalia jüktılıktıŋ 5 aiynda bolǧan. Äkesı men anasy uaqytşa jūmyssyz jürıptı. Auyl äkımı M.A.Mūqanovtyŋ aituynşa, otbasy tütınnen ulanyp qaza tapqan. Oqiǧa ornynda jauapty mekemenıŋ qyzmetkerlerı jäne kezekşı prokuror tekserıs jūmystaryn jürgızude», - delıngen oblystyq tötenşe jaǧdailar departamentınıŋ habarlamasynda.
Pıkırler