ەربول مىرزابوسىنوۆ Cپورت جانە دەنە شىنىقتىرۋ ىستەرى كوميتەتىنىڭ توراعاسى قىزمەتى بولىپ تاعايىندالدى. بۇل تۋرالى قر ۇكىمەتىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
«قر مادەنيەت جانە سپورت ءمينيسترىنىڭ بۇيرىعىمەن ەربول قۋانتايۇلى مىرزابوسىنوۆ قازاقستان رەسپۋبليكاسى مادەنيەت جانە سپورت مينيسترلىگى Cپورت جانە دەنە شىنىقتىرۋ ىستەرى كوميتەتىنىڭ توراعاسى قىزمەتىنە تاعايىندالدى»، - دەلىنگەن رەسمي حابارلامادا.
ەربول مىرزابوسىنوۆ 1984 جىلى شىعىس قازاقستان وبلىسىندا دۇنيەگە كەلگەن.
سەمەي مەملەكەتتىك پەداگوگيكالىق ينستيتۋتىن، قازاق گۋمانيتارلىق-زاڭ يننوۆاتسيالىق ۋنيۆەرسيتەتىن، قازاق سپورت جانە تۋريزم اكادەمياسىن بىتىرگەن.
ەڭبەك جولىن 2005 جىلى سەمەي مەملەكەتتىك پەداگوگيكالىق ينستيتۋتى دەنە شىنىقتىرۋ جانە سپورت تەورياسى مەن ادىستەمەسى كافەدراسىنىڭ اسسيستەنتى، جاتتىقتىرۋشى-وقىتۋشىسى بولىپ باستادى.
2009-2014 جج. – سەمەي قالاسىنىڭ مەملەكەتتىك پەداگوگيكالىق ينستيتۋتىنىڭ دەنە تاربيەسى كافەدراسىنىڭ وقىتۋشىسى; مەڭگەرۋشىسى.
2006-2018 جج. – «شىعىس قازاقستان وبلىستىق بۇقارالىق سپورتتاعى جوعارى سپورت شەبەرلىگى مەكتەبى» كمم جاتتىقتىرۋشى-وقىتۋشىسى.
2018-2020 جج. «قىزىلجار ارلاندارى» سپورت كلۋبىنىڭ ديرەكتورى بولىپ جۇمىس ىستەدى.
2020-2021 جج. – «Qazaq kuresi» قاۋىمداستىعىنىڭ باسقارۋشى ديرەكتورى.
2021 جىلعى ناۋرىز ايىنان باستاپ قازىرگى ۋاقىتقا دەيىن دەنە شىنىقتىرۋ جانە بۇقارالىق سپورت اكادەمياسىنىڭ رەكتورى بولدى.
بۇرىن وسى قىزمەتتە بولعان سامات سەرىكقانۇلى ەرعاليەۆ جۇمىستان بوساتىلدى.
"ادىرنا" ۇلتتىق پورتالى
