«ۇلتتىق اۋدارما بيۋروسى» قوعامدىق قورىندا جاۋاپتى شىعارۋشى-رەداكتور بولدىم. بۇل جوبا اياسىندا الەمنىڭ ەڭ ۇزدىك 100 وقۋلىعى قازاق تىلىنە تولىق اۋدارىلدى. سوندا جەمىس بەرگەن اعاشقا تاس اتاتىنىنا ابدەن كۋا بولدىم. قازاق تىلىنە قۇندىلىق اۋدارىلسا شۇبارتىلدىلەر مەن ورىسشىلدار شۋلاپ شىعا كەلەدى ەكەن.
اۋەلى لگبت قاۋىمداستىعى شىعىستىق مادەنيەتكە لايىقتاپ كەسىلگەن جەرلەردى تۇتاس بەرىڭدەر دەپ شۋلاتتى.
سوسىن رەسەي ەلشىلىگى كەپ كيلىكتى. نەگە باتىس كىتاپتارىن اۋدارىپ كەتتىڭدەر، ورىس كىتاپتارى تاقيالارىڭا تار مە ەدى دەپ اشىعىن ايتتى. ويباي، كورشىمنەن ۇيات بولماسىن دەپ سەميوسفەرا، تاريح، كينوعا بايلانىستى بىرنەشە ورىس كىتاپتارىن قوسا اۋداردىق.
ەكى جىلداي بۇرىن «قازاق تىلىندەگى ءجۇز جاڭا وقۋلىق» جوباسىنا قاتىستى سوتقا اۋرەلەدى (وزىمىزدىكىلەر). كەيىن سوتتا تاعىلعان بارلىق ايىپتىڭ نەگىزسىز ەكەنى دالەلدەندى.
ەندى كۋرسەرا قازاقشاعا اۋدارىلىپ ەدى، شالا باۋىرلار شالا ءبۇلىنىپ جاتقان سياقتى. تۇسىنگەنىم - قازاقتىڭ كوزى اشىلعانعا قارسى جۇمىس ىستەيتىن ارنايى مافيا بار سياقتى، شىن كۇدىكتەنەم. قۇداي اقىرىن بەرسىن ايتەۋىر.
ارتقا قارايلايمىن دا، تالاي اقشا تالان-تاراج بولعاندا تۋلامايتىندار، قازاق تىلىندەگى يگى باستاماعا كەلگەندە ءبورىنىڭ كوتىندەي شۋلاپ كەتەدى بار عو. ال اۋدارىلعان 100 وقۋلىق بولسا، ءتىلىمىز بەن ونىڭ بولاشاعى، سول تىلدەگى ءبىلىم مەن ونىڭ ساپاسى ءۇشىن كۇرەستەگى بۇرىن سوڭدى بولماعان ىلگەرى قادام، كوپتىڭ تىلەگى، ۇلكەن تالابى، زور ەڭبەگىمەن كەلگەن شىن مانىندەگى ەلدىك تابىس، قۇندىلىق بوپ قالدى عوي.
