«Ulttyq aýdarma bıýrosy» Qoǵamdyq qorynda jaýapty shyǵarýshy-redaktor boldym. Bul joba aıasynda álemniń eń úzdik 100 oqýlyǵy qazaq tiline tolyq aýdaryldy. Sonda jemis bergen aǵashqa tas atatynyna ábden kýá boldym. Qazaq tiline qundylyq aýdarylsa shubartildiler men orysshyldar shýlap shyǵa keledi eken.
Áýeli LGBT qaýymdastyǵy Shyǵystyq mádenıetke laıyqtap kesilgen jerlerdi tutas berińder dep shýlatty.
Sosyn Reseı elshiligi kep kılikti. Nege Batys kitaptaryn aýdaryp kettińder, orys kitaptary taqııalaryńa tar me edi dep ashyǵyn aıtty. Oıbaı, kórshimnen uıat bolmasyn dep semıosfera, tarıh, kınoǵa baılanysty birneshe orys kitaptaryn qosa aýdardyq.
Eki jyldaı buryn «Qazaq tilindegi júz jańa oqýlyq» jobasyna qatysty sotqa áýreledi (ózimizdikiler). Keıin sotta taǵylǵan barlyq aıyptyń negizsiz ekeni dáleldendi.
Endi Kýrsera qazaqshaǵa aýdarylyp edi, shala baýyrlar shala búlinip jatqan sııaqty. Túsingenim - qazaqtyń kózi ashylǵanǵa qarsy jumys isteıtin arnaıy mafııa bar sııaqty, shyn kúdiktenem. Qudaı aqyryn bersin áıteýir.
Artqa qaraılaımyn da, talaı aqsha talan-taraj bolǵanda týlamaıtyndar, qazaq tilindegi ıgi bastamaǵa kelgende bóriniń kótindeı shýlap ketedi bar ǵo. Al aýdarylǵan 100 oqýlyq bolsa, tilimiz ben onyń bolashaǵy, sol tildegi bilim men onyń sapasy úshin kúrestegi buryn sońdy bolmaǵan ilgeri qadam, kóptiń tilegi, úlken talaby, zor eńbegimen kelgen shyn mánindegi eldik tabys, qundylyq bop qaldy ǵoı.
