تانىمال زاڭگەر ورىنباسار تىلەپبەرگەنوۆ كۇنى كەشە ەلدى دۇرلىكتىرگەن گاۋھار الىمبەكوۆانىڭ ىسىنە قاتىستى مالىمدەمە جاسادى. زاڭ وكىلى ءانشىنىڭ قانداي جاعدايدا بوستاندىققا شىعا الاتىنىن ايتتى دەپ حابارلايدى 31 ارنا.
الەۋمەتتىك جەلىدەگىلەر گاۋھار الىمبەكوۆاعا بەرگەن سوتتىڭ جازاسى تىم اۋىر دەپ ەسەپتەيدى.
ال زاڭگەر ورىنباسار تىلەپبەرگەنوۆ ءانشىنىڭ 10 جىلعا دەيىن باس بوستاندىعىنان ايىرىلۋى مۇمكىن ەكەنىن ايتادى.
زاڭگەردىڭ ايتۋىنشا، سوت ءانشىنىڭ بۇرىن سوتتالماعانى مەن قوعامداعى بەدەلىن ەسكەرگەن."اپپەلياتسياعا بەرگەن كۇننىڭ وزىندە الىمبەكوۆانىڭ قۇقىقتىق جاعدايى وزگەرمەيدى. ويتكەنى، سوتتان ءبىز ورەسكەل قاتەلىك كورىپ تۇرعان جوقپىز. ال ەكىنشى جاعدايدا جابىرلەنۋشى "كەلىسىمگە كەلدىم" دەپ، قايتا تالاپ - ارىز بەرەتىن بولسا، وندا جاعداي وزگەرەدى. سول كەزدە الىمبەكوۆانىڭ بوساپ شىعۋعا مۇمكىندىگى بار", - دەيدى ورىنباسار تىلەپبەرگەنوۆ.
سونداي-اق زاڭگەر گاۋھار الىمبەكوۆا مەن ونىڭ قورعاۋشىسى مەدياتسيا ارقىلى باقىت نازاروۆامەن بىتىمگە كەلگەندە، ءىستىڭ بۇلاي ناسىرعا شاپپايتىنىن ايتتى.
ەستەرىڭىزگە سالا كەتەيىك، 30 قاڭتار كۇنى گاۋھار الىمبەكوۆانىڭ "الاياقتىق" ءۇشىن 6 جىلعا سوتتالعانى بەلگىلى بولدى.
ال تانىمال جۋرناليست بيبىگۇل داۋلەتبەكقىزى كوپشىلىككە ءانشىنىڭ قارىز بولعان 40 مىڭ اقش دوللارىن جيناپ بەرۋدى ۇسىندى.
وتاندىق انشىلەر دە ءجۋرناليستىڭ سوزىنە قولداۋ ءبىلدىرىپ، گاۋھار الىمبەكوۆاعا كومەك كورسەتۋگە دايىن ەكەنىن جەتكىزدى.
سونداي-اق ءانشىنىڭ ادۆوكاتى جۇماعالي زينەلوۆ ءىستىڭ ءمان-جايىن اشىپ ايتىپ، ءانشىنىڭ دە بۇل ىستە قۇربان ەكەنىن مالىم ەتتى.
سونىمەن قاتار گاۋھار الىمبەكوۆانى سوتقا بەرگەن قۇربىسى باقىت نازاروۆا ىسكە قاتىستى پىكىر ءبىلدىردى. 40 مىڭ دوللارىنان ايىرىلعان ايەلدىڭ ايتۋىنشا، ول قۇربىسىنىڭ تۇرمەگە توعىتىلعانىن قالاماعان.
