بايقوڭىر اكىمدىگى قالا تۇرعىندارىنا ۋكرايناداعى سوعىسقا قاتىسۋ ءۇشىن اقشا ۇسىنىپ جاتىر، دەپ جازادى “ادىرنا” ۇلتتىق پورتالى.
“بايقوڭىر قالاسى اكىمدىگى باسشىسىنىڭ 2023 جىلعى 07 اقپانداعى №46 “اسكەرگە شاقىرىلعان ازاماتتارعا، سونىمەن قاتار، ەرىكتى تۇردە ارنايى اسكەري وپەراتسياعا قاتىسۋعا نيەت بىلدىرگەن جانە بايقوڭىر قالاسىندا تۇراتىن اسكەري قىزمەت وتەۋگە كەلىسىمشارت جاساسقان ادامدارعا بىرجولعى اقشالاي تولەم تۋرالى" قاۋلىسىنا سايكەس ۋكراينا، دونەتسك حالىق رەسپۋبليكاسى، لۋگانسك حالىق رەسپۋبليكاسى، زاپوروجە وبلىسى، حەرسون (اسكەري قىزمەتشى) اۋماقتارىندا ارنايى اسكەري وپەراتسياعا قاتىسقان جاعدايدا 260 000 رۋبل مولشەرىندە بىرجولعى اقشالاي تولەمدەر قاراستىرىلعان. سوعىسقا ەرىكتى تۇردە قاتىسقىسى كەلەتىن اسكەري قىزمەتكەر نەمەسە ونىڭ ۋاكىلەتتى وكىلى بىرجولعى اقشالاي تولەمدى الۋ ءۇشىن بايقوڭىر اكىمدىگىنىڭ حالىقتى الەۋمەتتىك قورعاۋ باسقارماسىنا ءوتىنىش بەرۋى ءتيىس”،- دەلىنگەن قالا اكىمدىگى تاراتقان حابارلامادا.
“ادىرنا” ۇلتتىق پورتالى
