قازاق ەلى ءزىلزالادان زارداپ شەككەن تۇركياعا 150 توننا گۋمانيتارلىق كومەك جينادى. بۇل تۋرالى قر اقپارات جانە قوعامدىق دامۋ مينيسترلىگىنىڭ ءباسپاسوز قىزمەتى حابارلادى، دەپ جازادى “ادىرنا” ۇلتتىق پورتالى.
“13 اقپانداعى جاعداي بويىنشا وڭىرلەردە 150 توننا گۋمانيتارلىق كومەك جينالدى (الماتى ق.-4 ت.، الماتى وبلىسى- 68 ت.، تۇركىستان وبلىسى-25 ت.، شىمكەنت-50 ت.، اقمولا، باتىس قازاقستان، قاراعاندى، پاۆلودار، سولتۇستىك قازاقستان، شىعىس قازاقستان، ۇلىتاۋ وبلىستارى – 3 ت.), ونىڭ 75 تونناسى (تۇركىستان وبلىسى جانە شىمكەنت قالاسى) تۇركياعا جىبەرىلدى، سونداي-اق، 32 ملن.تەڭگە جينالىپ، تىكەلەي Afad قورىنا اۋدارىلدى. بۇعان قوسا، قازاقستاندىقتار 114 ۇلتتىق كيىز ءۇي جونەلتتى”،- دەلىنگەن حابارلامادا.
“ادىرنا” ۇلتتىق پورتالى
