رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعى حابارلاعانداي، ەندى پوليگرافيالىق اقاۋ، سونداي-اق پاندىك ساراپتاما كوميسسياسى بەكىتكەن نۇسقادان اۋىتقۋ ناتيجەسىندە كەتكەن قاتەلەر مەن باسقا دا كەمشىلىكتەر انىقتالعان جاعدايدا، وقۋلىقتار مەن وقۋ ادىستەمەلىك كەشەندەردى باسپا ءوز ەسەبىنەن اۋىستىرۋعا مىندەتتى. بۇل تۋرالى ۆەدومستۆونىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«ءبىز مۇنداي قۇقىقتىق نورما ارقىلى بارلىق تاراپتاردىڭ ءوزارا جاۋاپكەرشىلىگىن كۇشەيتۋ مەكتەپتەگى وقۋ ادەبيەتىنىڭ ساپاسىن ارتتىرۋعا وڭ اسەر ەتەدى دەپ سانايمىز»، – دەيدى ورتالىق باسشىسى ەلدوس نۇرلانوۆ.
سوڭعى ءۇش جىلدا قر وقۋ-اعارتۋ مينيسترلىگى مەملەكەتتىك ساراپتاما راسىمدەرىنىڭ وبەكتيۆتىلىگىن ارتتىرۋعا، ساراپشىلارعا، اۆتورلارعا جانە وقۋلىقتارعا قويىلاتىن تالاپتاردى ناقتىلاۋعا باعىتتالعان بىرقاتار زاڭنامالىق شارالار قابىلدادى.
2020 جىلى ساراپتاما جۇرگىزۋ پروتسەسى تولىعىمەن قۇپيالىق رەجيمگە اۋىستىرىلدى. مينيسترلىك سايتىندا pdf جانە epub فورماتىنداعى قاعاز وقۋلىقتاردىڭ ەلەكتروندىق نۇسقالارى اشىق ورنالاستىرىلىپ، اۆتورلار كورسەتىلمەيتىن بولدى. بۇل ساراپتامانىڭ ادىلدىگى مەن اشىقتىعىن قامتاماسىز ەتەتىنىن شارا. سونداي-اق باسپالارعا ىشكى ساراپتاما جۇرگىزۋ، اۆتورلاردىڭ وقۋ ادەبيەتتەرىن ازىرلەۋدىڭ ءادىسناماسى، ولاردى باعالاۋ كريتەريلەرى بويىنشا وقىتۋ كۋرسىنان وتكىزۋ جاۋاپكەرشىلىگى جۇكتەلدى.
