قازاق ەلىنىڭ ەتنيكالىق كارىسى، قازاق تىلىندە ءبىلىم العانىن زور ماقتانىش سانايتىن تاتيانا تسحاي قالىڭ كوپشىلىكتىڭ ىقىلاسىنا بولەنىپ، ۇلكەندەردىڭ اق باتاسىن الدى. "Abai TV" ارناسىنىڭ "شاڭىراق" باعدارلاماسىندا سىرلى سۇحباتتىڭ اجارلى ورنەگىن وربىتكەن ازامات قازاقتىڭ ءداستۇرى مەن قازاق ءتىلدى مەكتەپتىڭ ەرەكشەلىكتەرىن سانامالاپ ايتىپ، كورەرمەننىڭ كوڭىلىن ءوسىردى، دەپ حابارلايدى "ادىرنا" ۇلتتىق پورتالى.
اس ۇيدە نان جايىپ جاتىپ، قازاق ءتىلى مەن داستۇرىنە دەگەن ايرىقشا ىقىلاسى مەن كەڭقولتىق قاتىناسى جايلى بايانداعان كارىس قىزىنا ءىلتيپات كورسەتىپ، اق تىلەگىن جاۋدىرىپ جاتقاندار كوپ.
- قازاق مەكتەبىنە بارامىن دەپ ايتتىم. بىراق قازاقشا ءبىر اۋىز ءسوز بىلگەن جوقپىن. ۇيرەنۋدەن قيىندىقتار بولعان جوق. ماعان قولداۋ كورسەتكەن ءوزىمنىڭ تۇڭعىش مۇعالىمىم بايكەنوۆا عاليا قايىربەكقىزى ەدى. سول كىسىنىڭ ارقاسىندا كوپ نارسە ۇيرەندىم. ول كىسى ماعان قازاق ءتىلىن عانا ۇيرەتىپ قويعان جوق، قازاق حالقىنىڭ سالت-داستۇرلەرىن كورسەتتى. تۋعان اۋىلىنا ەكى اپتاعا وزىمەن بىرگە ەرتىپ اپاردى. سول جەردە مەن ءوز كوزىممەن قازاق حالقىنىڭ قوناقجايلىعىن كوردىم، - دەپ اعىنان جارىلدى تاتيانا تسحاي.
"ادىرنا" ۇلتتىق پورتالى
