4 اقپاندا Respublica پارتياسىنىڭ الماتىداعى ايماقتىق فيليالىنىڭ رەسمي اشىلۋى ءوتتى. قوناقتار فيليال باسشىلىعىمەن جانە قىزمەتكەرلەرىمەن جاقىنىراق تانىسىپ، سۇراقتار قويىپ، Respublica پارتياسىنا ىقىلاستارىن ءبىلدىردى.
«بۇگىن كوپتەن كۇتكەن وقيعا بولدى – ءبىز ءوز جاقتاستارىمىزعا رەسمي تۇردە ەسىگىمىزدى اشتىق. وسى ۋاقىت بويى ءبىز كەڭسە ىزدەدىك، ونى بەزەندىردىك، ءاربىر ۇساق-تۇيەككە دەيىن ويلاستىردىق. جاسالعان جۇمىستارعا، حالىقتىڭ ىقىلاسىنا قاراپ، كۇش-جىگەرىمىزدىڭ بەكەر كەتپەگەنىنە كوز جەتكىزدىك»، – دەيدى قالالىق فيليال باسشىسى.
پارتيا تۋرالى
Respublica – مەملەكەت قىزمەتىنىڭ ءتۇرلى سالالارىن قالپىنا كەلتىرۋگە ۇمتىلاتىن بەلسەندى ازاماتتاردى بىرىكتىرەتىن جاڭا پارتيا. وعان قازاقستاندىق كاسىپكەرلەر مەن قوعام قايراتكەرلەرى تارتىلعان. اۋىل شارۋاشىلىعى تاۋارىن ءوندىرۋشى، «ولجا اگرو» سەرىكتەستىگىنىڭ باسشىسى ايداربەك حودجانازاروۆ پارتيا توراعاسى بولدى. تەڭتوراعالار قاتارىندا كاسىپكەرلەر – سىرىمبەك تاۋ، رۋسلان بەردەنوۆ، ماكسيم بارىشەۆ، دينارا شۇكىجانوۆا، قۋانىش شونباي، بەيبىت الىبەكوۆ جانە نۇرلان قويانباەۆتار بار.
Respublica پارتياسىنىڭ ۇرانى – «جاڭا ادامدار – جاڭا قادامدار».
پارتيانىڭ قۇرىلعانى تۋرالى 2022 جىلدىڭ تامىزىندا جاريالاندى. 2023 جىلدىڭ 18 قاڭتارىندا Respublica پارتياسى تىركەۋ قۇجاتتارىن قابىلدادى.
سايلاۋ-2023
ءماجىلىس پەن ءماسليحاتتاردىڭ مەرزىمىنەن بۇرىن سايلاۋى جاڭا ەرەجە بويىنشا وتەدى. يننوۆاتسيالار بيلىكتىڭ وكىلەتتى تارماعىن نەعۇرلىم باسەكەگە قابىلەتتى جانە ءادىل قالىپتاستىرۋعا باعىتتالعان، كەڭىرەك كوزقاراستار پاليتراسىن قامتاماسىز ەتەدى، سونىمەن قاتار ساياسي جاڭعىرتۋ اياسىنداعى رەفورمالاردىڭ جالعاسى بولىپ تابىلادى.
باستى جاڭالىق – ارالاس پروپورتسيونالدى-ماجوريتارلىق سايلاۋ جۇيەسىنە كوشۋ. سونىمەن قاتار، ەندى ءماجىلىس دەپۋتاتتارىنىڭ 70 پايىزى پارتيالىق ءتىزىم بويىنشا، 30 پايىزى ءبىر مانداتتى وكرۋگتەر بويىنشا سايلانادى. ارالاس سايلاۋ جۇيەسى بويىنشا 50-دە 50 قاتىناسى نەگىزىندە وبلىستار مەن رەسپۋبليكالىق ماڭىزى بار قالالاردىڭ ءماسليحاتتارىنا دا سايلاۋ وتەدى. ال اۋداندار مەن وبلىستىق ماڭىزى بار قالالاردىڭ ءماسليحاتتارىنا سايلاۋدا ازاماتتار ءبىر مانداتتى وكرۋگتەردەگى كانديداتتارعا عانا داۋىس بەرەدى.
سونداي-اق، پارتيالاردىڭ ماجىلىسكە ءوتۋ شەگى 5 پايىزعا دەيىن تومەندەتىلىپ، ولاردى تىركەۋ ءتارتىبى جەڭىلدەتىلدى.
بايلانىسۋ ءۇشىن:
ينكار سامات
+77758888190
E-mail: Respublica.party@gmail.com
Instagram
Facebook
Telegram
TikTok
"ادىرنا" ۇلتتىق پورتالى
