4 aqpanda Respublica partııasynyń Almatydaǵy aımaqtyq fılıalynyń resmı ashylýy ótti. Qonaqtar fılıal basshylyǵymen jáne qyzmetkerlerimen jaqynyraq tanysyp, suraqtar qoıyp, Respublica partııasyna yqylastaryn bildirdi.
«Búgin kópten kútken oqıǵa boldy – biz óz jaqtastarymyzǵa resmı túrde esigimizdi ashtyq. Osy ýaqyt boıy biz keńse izdedik, ony bezendirdik, árbir usaq-túıekke deıin oılastyrdyq. Jasalǵan jumystarǵa, halyqtyń yqylasyna qarap, kúsh-jigerimizdiń beker ketpegenine kóz jetkizdik», – deıdi qalalyq fılıal basshysy.
Partııa týraly
Respublica – memleket qyzmetiniń túrli salalaryn qalpyna keltirýge umtylatyn belsendi azamattardy biriktiretin jańa partııa. Oǵan qazaqstandyq kásipkerler men qoǵam qaıratkerleri tartylǵan. Aýyl sharýashylyǵy taýaryn óndirýshi, «Olja Agro» seriktestiginiń basshysy Aıdarbek Hodjanazarov partııa tóraǵasy boldy. Teńtóraǵalar qatarynda kásipkerler – Syrymbek Taý, Rýslan Berdenov, Maksım Baryshev, Dınara Shúkijanova, Qýanysh Shonbaı, Beıbit Álibekov jáne Nurlan Qoıanbaevtar bar.
Respublica partııasynyń urany – «Jańa adamdar – Jańa qadamdar».
Partııanyń qurylǵany týraly 2022 jyldyń tamyzynda jarııalandy. 2023 jyldyń 18 qańtarynda Respublica partııasy tirkeý qujattaryn qabyldady.
Saılaý-2023
Májilis pen máslıhattardyń merziminen buryn saılaýy jańa ereje boıynsha ótedi. Innovaııalar bıliktiń ókiletti tarmaǵyn neǵurlym básekege qabiletti jáne ádil qalyptastyrýǵa baǵyttalǵan, keńirek kózqarastar palıtrasyn qamtamasyz etedi, sonymen qatar saıası jańǵyrtý aıasyndaǵy reformalardyń jalǵasy bolyp tabylady.
Basty jańalyq – aralas proporıonaldy-majorıtarlyq saılaý júıesine kóshý. Sonymen qatar, endi Májilis depýtattarynyń 70 paıyzy partııalyq tizim boıynsha, 30 paıyzy bir mandatty okrýgter boıynsha saılanady. Aralas saılaý júıesi boıynsha 50-de 50 qatynasy negizinde oblystar men respýblıkalyq mańyzy bar qalalardyń máslıhattaryna da saılaý ótedi. Al aýdandar men oblystyq mańyzy bar qalalardyń máslıhattaryna saılaýda azamattar bir mandatty okrýgterdegi kandıdattarǵa ǵana daýys beredi.
Sondaı-aq, partııalardyń Májiliske ótý shegi 5 paıyzǵa deıin tómendetilip, olardy tirkeý tártibi jeńildetildi.
Baılanysý úshin:
Inkar Samat
+77758888190
E-mail: Respublica.party@gmail.com
Instagram
Facebook
Telegram
TikTok
"Adyrna" ulttyq portaly
