4 aqpanda Respublica partiiasynyŋ Almatydaǧy aimaqtyq filialynyŋ resmi aşyluy öttı. Qonaqtar filial basşylyǧymen jäne qyzmetkerlerımen jaqynyraq tanysyp, sūraqtar qoiyp, Respublica partiiasyna yqylastaryn bıldırdı.
«Bügın köpten kütken oqiǧa boldy – bız öz jaqtastarymyzǧa resmi türde esıgımızdı aştyq. Osy uaqyt boiy bız keŋse ızdedık, ony bezendırdık, ärbır ūsaq-tüiekke deiın oilastyrdyq. Jasalǧan jūmystarǧa, halyqtyŋ yqylasyna qarap, küş-jıgerımızdıŋ beker ketpegenıne köz jetkızdık», – deidı qalalyq filial basşysy.
Partiia turaly
Respublica – memleket qyzmetınıŋ türlı salalaryn qalpyna keltıruge ūmtylatyn belsendı azamattardy bırıktıretın jaŋa partiia. Oǧan qazaqstandyq käsıpkerler men qoǧam qairatkerlerı tartylǧan. Auyl şaruaşylyǧy tauaryn öndıruşı, «Olja Agro» serıktestıgınıŋ basşysy Aidarbek Hodjanazarov partiia töraǧasy boldy. Teŋtöraǧalar qatarynda käsıpkerler – Syrymbek Tau, Ruslan Berdenov, Maksim Baryşev, Dinara Şükıjanova, Quanyş Şonbai, Beibıt Älıbekov jäne Nūrlan Qoianbaevtar bar.
Respublica partiiasynyŋ ūrany – «Jaŋa adamdar – Jaŋa qadamdar».
Partiianyŋ qūrylǧany turaly 2022 jyldyŋ tamyzynda jariialandy. 2023 jyldyŋ 18 qaŋtarynda Respublica partiiasy tırkeu qūjattaryn qabyldady.
Sailau-2023
Mäjılıs pen mäslihattardyŋ merzımınen būryn sailauy jaŋa ereje boiynşa ötedı. İnnovasiialar bilıktıŋ ökılettı tarmaǧyn neǧūrlym bäsekege qabılettı jäne ädıl qalyptastyruǧa baǧyttalǧan, keŋırek közqarastar palitrasyn qamtamasyz etedı, sonymen qatar saiasi jaŋǧyrtu aiasyndaǧy reformalardyŋ jalǧasy bolyp tabylady.
Basty jaŋalyq – aralas proporsionaldy-majoritarlyq sailau jüiesıne köşu. Sonymen qatar, endı Mäjılıs deputattarynyŋ 70 paiyzy partiialyq tızım boiynşa, 30 paiyzy bır mandatty okrugter boiynşa sailanady. Aralas sailau jüiesı boiynşa 50-de 50 qatynasy negızınde oblystar men respublikalyq maŋyzy bar qalalardyŋ mäslihattaryna da sailau ötedı. Al audandar men oblystyq maŋyzy bar qalalardyŋ mäslihattaryna sailauda azamattar bır mandatty okrugterdegı kandidattarǧa ǧana dauys beredı.
Sondai-aq, partiialardyŋ Mäjılıske ötu şegı 5 paiyzǧa deiın tömendetılıp, olardy tırkeu tärtıbı jeŋıldetıldı.
Bailanysu üşın: İnkar Samat +77758888190 E-mail: Respublica.party@gmail.com Instagram Facebook Telegram TikTok
"Adyrna" ūlttyq portaly
