اقىن ولجاس سۇلەيمەنوۆ قۇرعالى جاتقان "قازاقستاننىڭ حالىق كونگرەسى" پارتياسىنىڭ ىنتالى توبى ادىلەت مينيسترلىگىندە تىركەۋدەن ءوتتى. بۇل تۋرالى ىنتالى توپ مۇشەسى نۇرلان جازىلبەكوۆ ءمالىم ەتتى، دەپ حابارلايدى “ادىرنا” ۇلتتىق پورتالى Forbes.kz سايتىنا سىلتەپ.
نۇرلان جازىلبەكوۆتىڭ ايتۋىنشا، باستاماشىل توپ كەشە، 31 قاڭتاردا تىركەلگەن. ەندى قۇرىلتايعا دايىندالىپ جاتىر.
ايتا كەتەيىك، بىلتىر مامىردا ولجاس سۇلەيمەنوۆ قازاقستان ساياسي الاڭىندا 1992-1995 جىلدار ارالىعىندا جۇمىس اتقارعان "قازاقستاننىڭ حالىق كونگرەسى" قوعامدىق بىرلەستىگىمەن اتتاس پارتيا قۇراتىنىن حابارلاعان.
اقىن پارتيا جۇمىسى ءتىل مەسەلەسى مەن جەر يەلەنۋ قۇقىعىنا باعىتتالاتىنىن اتاپ وتكەن. ول بۇگىندە بىردە-ءبىر مەملەكەت ءمونوتىلدى بولا المايتىنىن، قازاقستان دا قازاق ءتىلى مەن ورىس ءتىلىن قاتار دامىتۋى كەرەكتىگىن ايتقان.
"ۋكراينا ورىس ءتىلىن مەملەكەتتىك ءتىل ستاتۋسىنان ايىرامىن دەپ مەملەكەتتىلىگىنەن ايىرىلىپ قالا جازدادى، ءبىز بۇنى ەسكەرۋىمىز كەرەك", دەگەن بولاتىن اقىن ولجاس سۇلەيمەنوۆ.
