مۇعالىم اكىم

1826
Adyrna.kz Telegram

اقمولا وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە ەگىندىكول اۋدانىنىڭ اكىمى ەرلان يسابەكوۆ اۋداننىڭ 2018 جىلعى قورىتىندىسى مەن بيىلعى جوسپارلارى تۋرالى ايتا كەلە، اعىلشىن تىلىنەن ساباق بەرىپ جۇرگەنىن اتاپ ءوتتى دەپ حابارلايدى قازاقپارات.

today.kz

"بولاشاق" باعدارلاماسىنىڭ ستەپەندياتى اعىلشىن تىلىنەن ساباق بەرگەنىنە تاڭدانۋدىڭ قاجەتى جوق ەكەنىن ايتىپ ءوتتى.

"ەلىمىزدە ساباق بەرىپ جۇرگەن العاشقى اكىم مەن ەمەس. دەگەنمەن بۇل يدەيانى جۇزەگە اسىرۋ الدىندا ءبىراز ويلانىپ، تارازىلادىم. ياعني، ادامدار قالاي تۇسىنەدى؟ بالكىم، بىرەۋلەرگە ۇناماي قالۋى دا مۇمكىن. حالىق اۋداننىڭ الەۋمەتتىك-ەكونوميكالىق دامۋ كورسەتكىشتەرىن جاقسارتۋمەن نەگە اينالىسپايدى دەگەن ويلار مازالادى", - دەدى ەرلان يسابەكوۆ.

اكىم جۇمىستان بوس ۋاقىتتا نەمەسە دەمالىس كۇندەرى ساباق بەرەدى ەكەن.

العاشىندا جۇرت مۇعالىم اكىمنىڭ جاڭا "قىزمەتىنە" وعاش قاراسا، قازىر بۇعان ۇيرەنىپ كەتكەن.

ءتىپتى، اكىمنىڭ ساباعىنا قاتىساتىن ادامداردىڭ سانى ارتقان.

ەرلان يسابەكوۆ تۇرعىندارعا اعىلشىن تىلىنەن ساباق بەرىپ قانا قويماي، تۇرمىستىق، الەۋمەتتىك ماسەلەلەردى دە شەشۋگە اتسالىسادى.

پىكىرلەر