Ninety One توبىنىڭ اندەرىن تىڭداپ، قازاق ءتىلىن ۇيرەنگەن اقش ازاماتى كوپتى ءتانتى ەنتى، دەپ جازادى "ادىرنا" ۇلتتىق پورتالى.
"امەريكالىق ەۆان اللەن 2022 جىلدىڭ قىركۇيەك ايىنان باستاپ اقش ۇكىمەتىنىڭ فۋلبرايت باعدارلاماسى بويىنشا تارازداعى ۋنيۆەرسيتەتتەردىڭ بىرىندە ستۋدەنتتەرگە اعىلشىن تىلىنەن ساباق بەرەدى. الايدا ەۆان قازاقستاندا ساباق بەرىپ قانا قويماي، ءوزى دە Ninety One توبىنىڭ اندەرى ارقىلى قازاق ءتىلىن ۇيرەنىپ ءجۇر. ەۆان ازىرگە قازاقستاندا جۇرگەندىكتەن Ninety One-مەن كەزدەسۋدى ارماندايدى", - دەلىنگەن قازاقستانداعى اقش ەلشىلىگىنىڭ رەسمي پاراقشاسىندا.
ەۆان اللەن قازاق ءتىلىن ۇيرەنۋگە قانشا ۋاقىت كەتكەنىن ايتتى.
«مەن Ninety One توبىن بىرنەشە جىل بۇرىن قازاق ءتىلىن ەندى عانا ۇيرەنە باستاعان كەزدە تىڭداي باستادىم. مەن ورىس ءتىلىن بىلمەگەندىكتەن، ماعان قازاق ءتىلىن ۇيرەنۋگە ارنالعان رەسۋرستاردى تابۋ قيىن عوي. سول ءۇشىن مەن بۇل توپ تۋرالى كوبىرەك بىلگەن ۋاقىتتا وتە قۋانىشتى بولدىم. مەن ولاردىڭ اندەرىن تىڭداپ، YouTube-تەن Ninety One Space بەينەباياندارىن قاراپ، ولاردىڭ اندەرىندەگى ءار ءسوزدىڭ ايتىلۋىن جانە ينتوناتسياسىن قايتالاپ، قازاق ءتىلىن جاقسارتۋ ءۇشىن كوپ ۋاقىت وتكىزدىم. وتكەن ايدا دوسىممەن بىرگە استاناداعى جەكە كونتسەرتتەرىنە باردىم. مەن وتە باقىتتى ءارى قۋانىشتى بولدىم جانە مەن سياقتى ءاربىر ءسوزدى بىلەتىن ادامداردىڭ اراسىندا بولعانىم وتە كەرەمەت بولدى. Ninety One, سىزدەرگە مۋزىكالارىڭىز ءۇشىن راقمەت ايتامىن جانە ءبىر كۇنى سىزدەرمەن جەكە كەزدەسىپ، العىس ايتا الامىن دەگەن ۇمىتتەمىن»، - دەيدى ەۆان اللەن.
"ادىرنا" ۇلتتىق پورتالى
