Ninety One tobynyń ánderin tyńdap, qazaq tilin úırengen AQSh azamaty kópti tánti enti, dep jazady "Adyrna" ulttyq portaly.
"Amerıkalyq Evan Allen 2022 jyldyń qyrkúıek aıynan bastap AQSh úkimetiniń Fýlbraıt baǵdarlamasy boıynsha Tarazdaǵy ýnıversıtetterdiń birinde stýdentterge aǵylshyn tilinen sabaq beredi. Alaıda Evan Qazaqstanda sabaq berip qana qoımaı, ózi de Ninety One tobynyń ánderi arqyly qazaq tilin úırenip júr. Evan ázirge Qazaqstanda júrgendikten Ninety One-men kezdesýdi armandaıdy", - delingen Qazaqstandaǵy AQSh elshiliginiń resmı paraqshasynda.
Evan Allen qazaq tilin úırenýge qansha ýaqyt ketkenin aıtty.
«Men Ninety One tobyn birneshe jyl buryn qazaq tilin endi ǵana úırene bastaǵan kezde tyńdaı bastadym. Men orys tilin bilmegendikten, maǵan qazaq tilin úırenýge arnalǵan resýrstardy tabý qıyn ǵoı. Sol úshin men bul top týraly kóbirek bilgen ýaqytta óte qýanyshty boldym. Men olardyń ánderin tyńdap, YouTube-ten Ninety One Space beınebaıandaryn qarap, olardyń ánderindegi ár sózdiń aıtylýyn jáne ıntonaııasyn qaıtalap, qazaq tilin jaqsartý úshin kóp ýaqyt ótkizdim. Ótken aıda dosymmen birge Astanadaǵy jeke konertterine bardym. Men óte baqytty ári qýanyshty boldym jáne men sııaqty árbir sózdi biletin adamdardyń arasynda bolǵanym óte keremet boldy. Ninety One, sizderge mýzykalaryńyz úshin raqmet aıtamyn jáne bir kúni sizdermen jeke kezdesip, alǵys aıta alamyn degen úmittemin», - deıdi Evan Allen.
"Adyrna" ulttyq portaly
