سايراگۇلدىڭ ۋاقىتشا قۇجاتى ۋاقىتشا سوزىلدى

1477

"ادىرنا" ۇلتتىق پورتالى قانداسىمىز سايراگۇل ساۋىتبايدىڭ ۋاقىتشا قۇجاتىنىڭ مەرزىمى اياقتالعانىن ايتىپ، ماسەلە كوتەرگەن بولاتىن. بۇگىن سايراگۇلدىڭ ۋاقىتشا قۇجاتىنىڭ مەرزىمى تاعى دا ءۇش ايعا ۇزارتىلىپتى. بۇل تۋرالى الەۋمەتتىك جەلىدە قوعام بەلسەندىسى ناعاشىباي ەسمىرزا جاريالادى. ناعاشىباي ەسمىرزانىڭ پاراقشاسىندا ۆيدەو ۇندەۋ جولداعان سايراگۇل بۇگىن كەشكە كۋالىكتى الاتىنىن ايتۋدا.

"قۇرمەتتى قازاق ەلى. بۇگىن 28 قاڭتار الماتى وبلىستىق كوشى-قون كوميسسياسىنا كەلدىك. مەنىڭ پانا ىزدەۋشى تۇلعا كۋالىگىمنىڭ مەرزىمى وسى 25 قاڭتار كۇنى بىتكەن بولاتىن. سونى ارى قاراي تاعى دا 3 ايعا سوزۋ تۋرالى جۇمىستارمەن كەلدىك. بۇل جەردەگى جاۋاپتى اسەم انۋاربەكقىزى پانا ىزدەۋشى تۇلعا كۋالىگىمنىڭ مەرزىمىن ءۇش ايعا ۇزارتىپ بەرەتىنىن، كەشكى ساعات 17:00-دە كەلىپ الۋ كەرەكتىگىن ايتتى" دەيدى سايراگۇلدىڭ ءوزى.

كۇللى قازاق ەلى سايراگۇلگە تەزىرەك ازاماتتىق بەرىلىپ، تولقۇجاتپەن سۋرەتكە تۇسكەن كۇنگە تەزىرەك جەتۋىنە تىلەكتەستىگىن بىلدىرۋدە.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket