Saıragúldiń ýaqytsha qujaty ýaqytsha sozyldy

1480

"Adyrna" ulttyq portaly qandasymyz Saıragúl Saýytbaıdyń ýaqytsha qujatynyń merzimi aıaqtalǵanyn aıtyp, másele kótergen bolatyn. Búgin Saıragúldiń ýaqytsha qujatynyń merzimi taǵy da úsh aıǵa uzartylypty. Bul týraly áleýmettik jelide qoǵam belsendisi Naǵashybaı Esmyrza jarııalady. Naǵashybaı Esmyrzanyń paraqshasynda vıdeo úndeý joldaǵan Saıragúl búgin keshke kýálikti alatynyn aıtýda.

"Qurmetti Qazaq Eli. Búgin 28 qańtar Almaty oblystyq kóshi-qon komıssııasyna keldik. Meniń pana izdeýshi tulǵa kýáligimniń merzimi osy 25 qańtar kúni bitken bolatyn. Sony ary qaraı taǵy da 3 aıǵa sozý týraly jumystarmen keldik. Bul jerdegi jaýapty Ásem Ánýarbekqyzy pana izdeýshi tulǵa kýáligimniń merzimin úsh aıǵa uzartyp beretinin, keshki saǵat 17:00-de kelip alý kerektigin aıtty" deıdi Saıragúldiń ózi.

Kúlli Qazaq Eli Saıragúlge tezirek azamattyq berilip, tólqujatpen sýretke túsken kúnge tezirek jetýine tilektestigin bildirýde.

"Adyrna" ulttyq portaly

Pikirler
Redakııa tańdaýy