قازاقستان بويىنشا تەگىن اۋە ساپارىن پايدالانا الاتىن بالالار سانى 2 مىڭعا دەيىن ارتادى. القا وتىرىسى بارىسىندا مادەنيەت جانە سپورت ءمينيسترى اسحات ورالوۆ الداعى جوسپارلارمەن ءبولىستى، دەپ حابارلايدى «ادىرنا» ءتىلشىسى.
وتكەن جىلى Kids Go free باعدارلاماسى بويىنشا 1500 بالا ۇشاقپەن تەگىن ۇشۋعا مۇمكىندىك العان ەدى.
«بيىل ءبىز 2000 بالاعا تەگىن اۋە قاتىناسىن ۇسىنۋ ءۇشىن جۇمىس ىستەيتىن بولامىز. بۇل – وتباسىلىق دەمالىس ءۇشىن قوسىمشا مۇمكىندىكتەر. سونىمەن قاتار، Kids Go free باعدارلاماسى تۋروپەراتورلار ءۇشىن قولجەتىمدى بولدى. بالالار اۆيابيلەتىن ساتىپ الۋدى راستاۋ تىزبەسى كەڭەيتىلىپ، وتىنىمدەر مەن تولەمدەردى قاراۋ مەرزىمى قىسقارتىلدى»، - دەدى اسحات ورالوۆ.
