قورعانىس مينيسترلىگى دەپارتامەنتىنىڭ باسشىسى پارا الۋ كۇدىگىمەن ۇستالدى، دەپ جازادى "ادىرنا" ۇلتتىق پورتالى.
"قورعانىس مينيسترلىگىنىڭ قۇرىلىمدىق بولىمشەسىنىڭ باسشىسىنا قاتىستى سوتقا دەيىنگى تەرگەپ-تەكسەرۋدى باستادى. قورعانىس ۆەدومستۆوسىنىڭ اقپاراتتاندىرۋ دەپارتامەنتى باستىعىنىڭ م.ۋ.ا. بەينەكونفەرەنتسبايلانىس جابدىعىن جەتكىزۋ مەرزىمدەرىن بۇزا وتىرىپ، قابىلداۋ-تاپسىرۋ اكتىسىنە كەدەرگىسىز قول قويعانى ءۇشىن جەتكىزۋشىدەن 20 000 اقش دوللارى سوماسىندا پارا الدى دەپ كۇدىكتەلۋدە", - دەلىنگەن انتيكور تاراتقان حابارلامادا.
كۇدىكتى ۇستالىپ، استانا قالاسىنىڭ تەرگەۋ سوتىنىڭ سانكتسياسىمەن قاماۋعا الىندى. تەرگەۋ جالعاسۋدا. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
"ادىرنا" ۇلتتىق پورتالى
