بىلتىر جەكە تۇلعالار ەلىمىزدەن شەتەلگە 7 ميللياردتاي دوللار اۋدارعان. "استانا" تەلەارناسى وسىلاي دەيدى. ۇلتتىق بانكتىڭ مالىمەتى بويىنشا، 2018 جىلدىڭ 11 ايىندا جەكە تۇلعالار شەتەلدەرگە 7 ملردتاي دوللار اۋدارعان. ال، كەلىپ تۇسەتىنى 2 ميللياردقا دا جەتپەيدى. سىرتقا جىبەرىلەتىن اقشا نەگىزىنەن ەلىمىزدە جۇمىس ىستەپ جۇرگەن ەڭبەك ميگرانتتارىنىڭ اۋدارىمدارى. كاپيتالدىڭ كوپ بولىگى دالىرەك ايتساق، 61,3 پايىزى رەسەي، تۇركيا، اقش، وزبەكستان، شۆەيتساريا جانە قىتايعا جىبەرىلەدى. تەلەارنانىڭ ايتۋىنشا، شۆەيتسارياعا اقشا جىبەرۋشىلەردىڭ 80 پايىزى وزدەرىنىڭ ەسەپشوتتارىنا اۋدارسا، وزبەكستانعا كەرىسىنشە، قايتارىمسىز تولەمدەر جاسالادى. "قازىر قازاقستاندا 2 ميلليوننان استام ەڭبەك ميگرانتتارى جۇمىس ىستەيدى. ولاردىڭ ءبىر ميلليونى بۇل ەلدە زاڭدى تۇردە ەڭبەك ەتىپ جاتسا، تاعى ءبىر ميلليونى مۇندا زاڭسىز جۇمىس ىستەيدى", - دەيدى ميگرانتتار ماسەلەلەرى بويىنشا حالىقارالىق ۇيىمنىڭ ۇيلەستىرۋشىسى دەيان كەسەروۆيچ.
قازاقستاندىقتار مەن ميگرانتتار شەتەلگە 7 ميلليارد دوللار اۋدارعان - ۇلتتىق بانك
20.01.2019
1796
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз