بۇگىن استانادا وتكەن پارلامەنت پالاتالارىنىڭ بىرلەسكەن وتىرىسىندا ەكس-پرەزيدەنت نۇرسۇلتان نازارباەۆ پەن ونىڭ وتباسى مۇشەلەرىن قىلمىستىق قۋدالاۋدان قورعايتىن "تۇڭعىش پرەزيدەنت – ەلباسى تۋرالى" زاڭنىڭ كۇشى جويىلدى، دەپ حابارلايدى «ادىرنا» ءتىلشىسى.
2000 جىلى قابىلدانعان كونستيتۋتسيالىق زاڭ بويىنشا نازارباەۆتى ۇستاۋعا، قاماققا الۋعا، تىنتۋگە، ودان جاۋاپ الۋعا نە جەكە باسىن جەتە تەكسەرۋگە، كۇزەتپەن ۇستاۋعا بولمايتىن ەدى. سونىمەن قاتار، تۇڭعىش پرەزيدەنت پەن ونىمەن بىرگە تۇراتىن وتباسى مۇشەلەرىنە تيەسىلى بارلىق جەكە مۇلىككە تيىسۋگە جانە شەكتەۋ قويۋعا تىيىم سالىنعان بولاتىن.
ءماجىلىس دەپۋتاتى ەرلان سايىروۆ شەشىم قابىلداۋدا حالىقتىڭ باسىم كوپشىلىگىنىڭ سۇرانىسىن ەسكەرگەندەرىن اتاپ ءوتتى. بۇعان دەيىن ول نازارباەۆتىڭ كونستيتۋتسيادا تەك قانا مەملەكەتتىڭ نەگىزىن قالاۋشى دەگەن تاريحي رولىمەن عانا قالعانىن ايتقان ەدى.
ەسكە سالا كەتەيىك، كەشە نۇرسۇلتان نازارباەۆ "قۇرمەتتى سەناتور" مارتەبەسىنەن دە ايىرىلدى.
