بەلگىلى ءانشى نۇرلان البان ءوزىنىڭ Instagram پاراقشاسىنا ۆيدەو جۇكتەپ، حالىقتى مەيىرىمدىلىككە شاقىردى، دەپ حابارلايدى “ادىرنا” ۇلتتىق پورتالى.
ۆيدەودا ءانشى قوعام بەلسەندىسى ابزال دوستياروۆتى پوليتسەيلەر 4 جاسار قىزىمەن بىرگە ۇستاپ، ۇيدە قالدىرۋعا مۇمكىندىك بەرمەگەنىن كورسەتىپ، الاڭداۋشىلىق بىلدىرگەنىن ايتادى.
“4 جاسار قىز ءۇشىن جۇرەگىم اۋىردى. ادامگەرشىلىكتى سەزىنۋ ءۇشىن مىندەتتى تۇردە ساياساتكەر نەمەسە مىقتى بىلىكتى زاڭگەر بولۋدىڭ قاجەتى جوق. ءبىز نە بولىپ كەتتىك. ءبىزدىڭ بولاشاعىمىز - ءبىزدىڭ ۇرپاعىمىز دەپ ءجۇرمىز عوي. سول ۇرپاق قازاقستان دەگەن ۇلى مەملەكەتتە ۋايىمسىز ويناپ-ءوسىپ، وتانىنا ارقا سۇيەمەي مە؟ سوندا عانا ءبىز بولاشاعىمىزعا سەنۋگە بولاتىن شىعار.
بىراق 4 جاسار قىز روۆد دەگەن نە ەكەنىن سەزىندى. مانساپ قولدىڭ كىرى؟ ءبىز ءتىپتى پوليتسەي بولايىق، باسقا بولايىق ادامگەرشىلىكتى جوعالتپايىقشى، باۋىرلار! مەيىرىمدى جوعالتپايىقشى، باۋىرلار! ۇرپاعىمىزعا مەيىرىمنىڭ ءدانىن سەبەيىكشى، وتىنەم!”، -دەدى نۇرلان البان.
