Belgili ánshi Nurlan Alban óziniń Instagram paraqshasyna vıdeo júktep, halyqty meıirimdilikke shaqyrdy, dep habarlaıdy “Adyrna” ulttyq portaly.
Vıdeoda ánshi qoǵam belsendisi Abzal Dostııarovty polıeıler 4 jasar qyzymen birge ustap, úıde qaldyrýǵa múmkindik bermegenin kórsetip, alańdaýshylyq bildirgenin aıtady.
“4 jasar qyz úshin júregim aýyrdy. Adamgershilikti seziný úshin mindetti túrde saıasatker nemese myqty bilikti zańger bolýdyń qajeti joq. Biz ne bolyp kettik. Bizdiń bolashaǵymyz - bizdiń urpaǵymyz dep júrmiz ǵoı. Sol urpaq Qazaqstan degen uly memlekette ýaıymsyz oınap-ósip, Otanyna arqa súıemeı me? Sonda ǵana biz bolashaǵymyzǵa senýge bolatyn shyǵar.
Biraq 4 jasar qyz ROVD degen ne ekenin sezindi. Mansap qoldyń kiri? Biz tipti polıeı bolaıyq, basqa bolaıyq adamgershilikti joǵaltpaıyqshy, baýyrlar! Meıirimdi joǵaltpaıyqshy, baýyrlar! Urpaǵymyzǵa meıirimniń dánin sebeıikshi, ótinem!”, -dedi Nurlan Alban.
