ديانا تاشىمبەتوۆا «الەم ارۋى قازاقستان-2022» اتاعىنان ايىرىلدى. بۇل تۋرالى ۇلتتىق سۇلۋلىق بايقاۋىنىڭ ۇيىمداستىرۋشىلارى ايتتى، دەپ حابارلايدى «ادىرنا» ءتىلشىسى.
«بايقاۋدى جانە ونىڭ قاتىسۋشىلارىن قارالاۋدى كوزدەپ، جالاعا تولى پوست پەن تىكەلەي ەفيردىڭ جاريالانۋىنا بايلانىستى بيىلعى فيناليست ديانا تاشىمبەتوۆانى قازاقستان «الەم ارۋى-2022» اتاعىنان ايىرامىز. ديانانىڭ سوزدەرى تەك ۇيىمداستىرۋ كوميتەتىنىڭ مۇشەلەرى مەن ونىڭ سەرىكتەستەرىن عانا ەمەس، سونىمەن قاتار بايقاۋدىڭ باسقا قاتىسۋشىلارىن دا نەگىزسىز قارالاۋدى كوزدەيدى.
ءبىز بۇل باسقالارعا دەگەن ۇلكەن قۇرمەتسىزدىك جانە باسقالاردىڭ ەڭبەگىنىڭ قۇنسىزدانۋى دەپ سانايمىز. قاراپايىم قىزداردىڭ تانىمال بولۋىن قامتاماسىز ەتۋ ءۇشىن جۇمىس جاساي وتىرىپ، ۇيىمداستىرۋ كوميتەتى ۇلكەن ءىس اتقارىپ قانا قويمايدى، سونىمەن قاتار باسقا مۇشەلەر مەن سەرىكتەستەر الدىندا تولىق جاۋاپكەرشىلىكتى ءوز موينىنا الادى.
فينالدىق شوۋعا، پيار-كومپانياعا، ديانا تاشىمبەتوۆانى بايقاۋعا قاتىسۋعا دايىنداۋعا جانە ونىڭ ءيميدجىن دامىتۋعا وراسان زور قاراجات پەن كۇش جۇمسالدى، ال ونىڭ كورسەتكەن قۇرمەتسىزدىگى مۇنداي ادامنىڭ ەلىمىزدىڭ «ارۋى» اتاعىنا لايىق ەمەس ەكەنىن كورسەتەدى.
بايقاۋدى ۇيىمداستىرۋ كوميتەتى قولداۋلارىڭىزعا العىس بىلدىرەدى جانە بايقاۋعا قاتىسۋشىلاردى ءبىر-ءبىرىن قۇرمەتتەۋگە، ءوز سوزدەرىنە جاۋاپكەرشىلىكپەن قاراۋعا جانە كومپانيا ديرەكتسياسىنا تۇسىنىستىكپەن قاراۋعا شاقىرادى»،—دەلىنگەن رەسمي مالىمدەمەدە.
ايتا كەتەيىك، بۇعان دەيىن ارۋ
الەۋمەتتىك جەلىدەگى پاراقشاسىندا بايقاۋ ۇيىمداستىرۋشىلارىنىڭ ۇستىنەن شاعىمدانىپ، ولاردى الدادى دەپ ايىپتادى.
