Dıana Táshimbetova «Álem arýy Qazaqstan-2022» ataǵynan aıyryldy. Bul týraly ulttyq sulýlyq baıqaýynyń uıymdastyrýshylary aıtty, dep habarlaıdy «Adyrna» tilshisi.
«Baıqaýdy jáne onyń qatysýshylaryn qaralaýdy kózdep, jalaǵa toly post pen tikeleı efırdiń jarııalanýyna baılanysty bıylǵy fınalıst Dıana Táshimbetovany Qazaqstan «Álem arýy-2022» ataǵynan aıyramyz. Dıananyń sózderi tek uıymdastyrý komıtetiniń músheleri men onyń seriktesterin ǵana emes, sonymen qatar baıqaýdyń basqa qatysýshylaryn da negizsiz qaralaýdy kózdeıdi.
Biz bul basqalarǵa degen úlken qurmetsizdik jáne basqalardyń eńbeginiń qunsyzdanýy dep sanaımyz. Qarapaıym qyzdardyń tanymal bolýyn qamtamasyz etý úshin jumys jasaı otyryp, uıymdastyrý komıteti úlken is atqaryp qana qoımaıdy, sonymen qatar basqa músheler men seriktester aldynda tolyq jaýapkershilikti óz moınyna alady.
Fınaldyq shoýǵa, pıar-kompanııaǵa, Dıana Táshimbetovany baıqaýǵa qatysýǵa daıyndaýǵa jáne onyń ımıdjin damytýǵa orasan zor qarajat pen kúsh jumsaldy, al onyń kórsetken qurmetsizdigi mundaı adamnyń elimizdiń «arýy» ataǵyna laıyq emes ekenin kórsetedi.
Baıqaýdy uıymdastyrý komıteti qoldaýlaryńyzǵa alǵys bildiredi jáne baıqaýǵa qatysýshylardy bir-birin qurmetteýge, óz sózderine jaýapkershilikpen qaraýǵa jáne kompanııa dırekııasyna túsinistikpen qaraýǵa shaqyrady»,—delingen resmı málimdemede.
Aıta keteıik, buǵan deıin arý
áleýmettik jelidegi paraqshasynda baıqaý uıymdastyrýshylarynyń ústinen shaǵymdanyp, olardy aldady dep aıyptady.
