Diana Täşımbetova «Älem aruy Qazaqstan-2022» ataǧynan aiyryldy. Būl turaly ūlttyq sūlulyq baiqauynyŋ ūiymdastyruşylary aitty, dep habarlaidy «Adyrna» tılşısı.
«Baiqaudy jäne onyŋ qatysuşylaryn qaralaudy közdep, jalaǧa toly post pen tıkelei efirdıŋ jariialanuyna bailanysty biylǧy finalist Diana Täşımbetovany Qazaqstan «Älem aruy-2022» ataǧynan aiyramyz. Diananyŋ sözderı tek ūiymdastyru komitetınıŋ müşelerı men onyŋ serıktesterın ǧana emes, sonymen qatar baiqaudyŋ basqa qatysuşylaryn da negızsız qaralaudy közdeidı. Bız būl basqalarǧa degen ülken qūrmetsızdık jäne basqalardyŋ eŋbegınıŋ qūnsyzdanuy dep sanaimyz. Qarapaiym qyzdardyŋ tanymal boluyn qamtamasyz etu üşın jūmys jasai otyryp, ūiymdastyru komitetı ülken ıs atqaryp qana qoimaidy, sonymen qatar basqa müşeler men serıktester aldynda tolyq jauapkerşılıktı öz moinyna alady. Finaldyq şouǧa, piar-kompaniiaǧa, Diana Täşımbetovany baiqauǧa qatysuǧa daiyndauǧa jäne onyŋ imidjın damytuǧa orasan zor qarajat pen küş jūmsaldy, al onyŋ körsetken qūrmetsızdıgı mūndai adamnyŋ elımızdıŋ «aruy» ataǧyna laiyq emes ekenın körsetedı. Baiqaudy ūiymdastyru komitetı qoldaularyŋyzǧa alǧys bıldıredı jäne baiqauǧa qatysuşylardy bır-bırın qūrmetteuge, öz sözderıne jauapkerşılıkpen qarauǧa jäne kompaniia direksiiasyna tüsınıstıkpen qarauǧa şaqyrady»,—delıngen resmi mälımdemede.Aita keteiık, būǧan deiın aru äleumettık jelıdegı paraqşasynda baiqau ūiymdastyruşylarynyŋ üstınen şaǧymdanyp, olardy aldady dep aiyptady.
