بۇگىن، الماتىدا حالقىنىڭ سۇيىكتى ۇلى، قازاقستاندى ۇزاق جىل باسقارعان دىنمۇحامەد قوناەۆتى ەسكە الۋ شاراسى ءوتتى. ونىڭ تۋعان كۇنىنە ارنايى قوناەۆ مۋزەيى ۇيىمداستىرعان شاراعا سەرىكبولسىن ءابدىلدين، شاڭگەرەي جانىبەكوۆ سەكىلدى قوعام قايراتكەرلەرىمەن قاتار، جۇزدەگەن تۇرعىندار قاتىستى.
ۇقك شەكارا قىزمەتى اكادەمياسىنىڭ كۋرسانتتارى، قوناەۆ ەسكەرتكىشىنىڭ قۇرمەتتى قاراۋىلى بولدى. جينالعاندار جۇرت دىنمۇحامەد احمەتۇلى جايلى ەستەلىك ايتىپ، جاقسى قاسيەتتەرىن ءسوز ەتتى. ارنايىلاپ كەلگەن كوپشىلىك قوناەۆ ەسكەرتكىشىنە گۇل شوقتارىن قويدى.
قوناەۆ مۋزەيى جىلىنا ەكى رەت دىنمۇحامەد قوناەۆتى ەسكە الادى. ءبىرىنشىسى جىلدىڭ باسى، تۋعان كۇنى – قاڭتاردىڭ 12-ءسى جانە قايتىس بولعان كۇنى - تامىزدىڭ 22-ءسى وتەدى.
