Búgin, Almatyda halqynyń súıikti uly, Qazaqstandy uzaq jyl basqarǵan Dinmuhamed Qonaevty eske alý sharasy ótti. Onyń týǵan kúnine arnaıy Qonaev mýzeıi uıymdastyrǵan sharaǵa Serikbolsyn Ábdildın, Sháńgereı Jánibekov sekildi qoǵam qaıratkerlerimen qatar, júzdegen turǵyndar qatysty.
UQK shekara qyzmeti akademııasynyń kýrsanttary, Qonaev eskertkishiniń qurmetti qaraýyly boldy. Jınalǵandar jurt Dinmuhamed Ahmetuly jaıly estelik aıtyp, jaqsy qasıetterin sóz etti. arnaıylap kelgen kópshilik Qonaev eskertkishine gúl shoqtaryn qoıdy.
Qonaev mýzeıi jylyna eki ret Dinmuhamed Qonaevty eske alady. Birinshisi jyldyń basy, týǵan kúni – qańtardyń 12-si jáne qaıtys bolǵan kúni - tamyzdyń 22-si ótedi.
Foto Asylhan Mamashuly
