بۇگىن PPF حالىقارالىق ينۆەستيتسيالىق-قارجى حولدينگىنىڭ سەو يرجي شمەيتس قازاقستاندىق Home Credit Bank-ءتىڭ ءىرى اكتسيونەرى اتاندى، دەپ جازادى "ادىرنا" ۇلتتىق پورتالى.
يرجي شمەيتس بۇرىن رەسەيلىك «حوۋم كرەديت ەند فينانس بانك» جشق-عا تيەسىلى بانك اكتسيالارىنىڭ 25% ۇلەسىن ساتىپ الىپ، ءوز ۇلەسىن 34,7% - عا دەيىن ارتتىردى.
يرجي شمەيتستىڭ ۇلەسىن ۇلعايتۋدى بۇعان دەيىن قر قارجى نارىعىن رەتتەۋ جانە دامىتۋ اگەنتتىگى ماقۇلداعان بولاتىن. قازىرگى ۋاقىتتا قازاقستاندىق Home Credit Bank اكتسيونەرلەرىنىڭ قۇرامىندا رەسەيلىك اكتسيونەرلەر جوق.
يرجي شمەيتس – كاسىپكەر، وسى جازدا ول Home Credit توبىنا يەلىك ەتەتىن PPF حالىقارالىق ينۆەستيتسيالىق جانە قارجىلىق حولدينگىنىڭ باس ديرەكتورى بولىپ تاعايىندالدى. PPF Group 25 ەلدە قارجىلىق قىزمەتتەر، تەلەكوممۋنيكاتسيا، مەديا، بيوتەحنولوگيا، جىلجىمايتىن مۇلىك جانە ينجينيرينگ سياقتى ءارتۇرلى سەكتورلارعا ينۆەستيتسيا سالۋ ارقىلى جۇمىس ىستەيدى. حولدينگتىڭ 40,13 ميلليارد ەۋرو سوماسىنداعى اكتيۆتەرى بار.
Home Credit Bank 2005 جىلدان باستاپ قازاقستاندا بەرى جۇمىس ىستەيدى، 17 جىل ىشىندە بانك كليەنتتەرىنىڭ سانى 5 ملن ادامنان استى . قارجى ينستيتۋتى بيزنەس تيىمدىلىگىنىڭ ەڭ جوعارى كورسەتكىشتەرىن كورسەتەدى: قرۇب مالىمەتتەرىنە سايكەس 9 ايداعى اكتيۆتەردىڭ رەنتابەلدىلىگى (ROA) بويىنشا سەكتوردا ەكىنشى ورىندا – 5,94%، 9 ايدا مەنشىكتى كاپيتالدىڭ رەنتابەلدىلىك كورسەتكىشى (ROE) بويىنشا كوممەرتسيالىق بانكتەر اراسىندا 5 ورىن، ياعني 34,08 %-دى قۇرادى.
"ادىرنا" ۇلتتىق پورتالى
