اتاقتى امەريكاندىق ونەرتاپقىش يلون ماسك بۇگىن كۇللى الەمگە تاڭداي قاقتىردى. مارسقا ادام تاسيمىن دەپ جۇرگەن يلوننىڭ ارمانى ورىندالار كۇن دە الىس ەمەس سياقتى. تەحاس عارىش الاڭىندا قۇراستىرىلعان SpaceX كومپانياسىنىڭ جاڭا اسا اۋىر زىمىران تاسىمالداعىشى Starship-ءتىڭ سۋرەتىنە جەر شارى كۋا بولدى. ءوزىنىڭ Twitter-نە اتالعان زىمىراننىڭ سۋرەتتەرىن جاريالاعان ماسك، بۇل ەرتەگى ەمەس، وزدەرىڭىز كورىپ تۇرعان سۋرەتتەگى راكەتا شىنىمەن بار دەگەن. "ارنايى سىناقتان وتكەن زىمىران تىك كوتەرىلىپ ۇشۋعا جانە قونۋعا ارنالعان. بۇل تاجىريبە ءۇشىن جاسالعانى. ال، وربيتاعا ۇشاتىن زىمىران بۇدان بيىك جانە قاپتاماسى دا قالىڭ بولادى", - دەدى عالىم ءوز جازباسىندا. بيىكتىگى 118 مەتر بولاتىن زىمىراننىڭ اتى Big Falcon Rocket. بولاشاقتا بۇل كومپانيا Falcon 9, Falcon Heavy مەن Dragon سياقتى زىمىرانداردى Starship-پەن اۋىستىرماق. جاڭا زىمىران 100 توننا جۇكتى جانە جولاۋشىلاردى مارسقا تاسىمالداي الادى. عالامدىق ەۆوليۋتسيا دەگەن وسىنداي-اق بولار.
"ادىرنا" ۇلتتىق پورتالى
