Ataqty amerıkandyq ónertapqysh Ilon Mask búgin kúlli álemge tańdaı qaqtyrdy. Marsqa adam tasımyn dep júrgen Ilonnyń armany oryndalar kún de alys emes sııaqty. Tehas ǵarysh alańynda qurastyrylǵan SpaceX kompanııasynyń jańa asa aýyr zymyran tasymaldaǵyshy Starship-tiń sýretine jer shary kýá boldy. Óziniń Twitter-ne atalǵan zymyrannyń sýretterin jarııalaǵan Mask, bul ertegi emes, ózderińiz kórip turǵan sýrettegi raketa shynymen bar degen. "Arnaıy synaqtan ótken zymyran tik kóterilip ushýǵa jáne qonýǵa arnalǵan. Bul tájirıbe úshin jasalǵany. Al, orbıtaǵa ushatyn zymyran budan bıik jáne qaptamasy da qalyń bolady", - dedi ǵalym óz jazbasynda. Bıiktigi 118 metr bolatyn zymyrannyń aty Big Falcon Rocket. Bolashaqta bul kompanııa Falcon 9, Falcon Heavy men Dragon sııaqty zymyrandardy Starship-pen aýystyrmaq. Jańa zymyran 100 tonna júkti jáne jolaýshylardy Marsqa tasymaldaı alady. Ǵalamdyq evolıýııa degen osyndaı-aq bolar.
"Adyrna" ulttyq portaly
