پاۆلودار وبلىستىق پوليتسيا دەپارتامەنتىنىڭ بۇرىنعى باستىعى پوليتسيا گەنەرال-مايورى نۇرلان ماسىموۆكە قاتىستى تەرگەۋ ءىسى اياقتالدى. بۇل تۋرالى سىبايلاس جەمقورلىق اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
«پاۆلودار وبلىستىق پوليتسيا دەپارتامەنتىنىڭ بۇرىنعى باستىعى پوليتسيا گەنەرال-مايورى ن. ماسىموۆكە، ونىڭ ورىنباسارى د.سيرازيديموۆكە جانە كاسىپكەر ە. ەۆكوۆيچكە قاتىستى اۋىر جانە اسا اۋىر سىبايلاس جەمقورلىق قىلمىستار جاسادى دەگەن كۇدىكپەن سوتقا دەيىنگى تەرگەۋدى اياقتادى. ءماسىموۆ پەن سيرازيديموۆ مەملەكەتتىك ساتىپ الۋدى وتكىزۋ جانە ۇلەستەس كومپانيالارمەن كەلىسىمشارتتارعا قول قويۋ كەزىندە قامقورلىعى ءۇشىن 90,3 ملن تەڭگە سوماسىندا پارا الدى دەپ ايىپتالۋدا»، - دەلىنگەن اگەنتتىك حابارلاماسىندا.
سونداي-اق ولار ارتتەحقارۋ-جاراق ساتىپ الۋعا ارنالعان 420 ملن تەڭگە سوماسىندا بيۋدجەت قاراجاتىن ۇرلادى دەپ كۇدىكتەلۋدە.
22 جەلتوقسانىندا وبلىس پروكۋراتۋراسى ايىپتالۋشىلاردى سوتقا بەردى.
ەسكە سالايىق، قاڭتار وقيعاسىنان كەيىن پاۆلودار وبلىسى پوليتسيا دەپارتامەنتىنىڭ باسشىسى نۇرلان ءماسىموۆ قىزمەتىنەن بوساتىلدى. كەيىن وعان ىزدەۋ جاريالانىپ، ول تۋرالى قانداي دا ءبىر اقپارات بەرگەن ادامعان 12 ملن تەڭگە سىياقى بەرىلەتىنى ءمالىم بولدى.
شىلدە ايىندا نۇرلان ءماسىموۆ رەسەيمەن شەكارادان جالعان قۇجات ارقىلى وتپەك بولعان كەزدە ۇستالدى.
