پولشادا قازاقستان ازاماتى ەكاتەرينا شيلوۆا جوعالىپ كەتتى، دەپ حابارلايدى "ادىرنا" ۇلتتىق پورتالى Zakon.kz-كە سىلتەپ.
بۇل تۋرالى ونىڭ اپكەسى الەۋمەتتىك جەلىدە حابارلاپ، ىزدەۋ جاريالاعان.
ء"سىڭلىم جوعالىپ كەتتى. شيلوۆا ەكاتەرينا اناتولەۆنا، 1982 جىلى تۋعان. 18 اقپان كۇنى ۆارشاۆادان استاناعا ۇشۋى كەرەك ەدى. الايدا ۇشاققا وتىرماعان. جۇمىس ىستەپ جۇرگەن، جانىندا اقشاسى بولعان", – دەلىنگەن حابارلامادا.
تۋىستارىنىڭ ايتۋىنشا، ەكاتەرينادان كۇماندى حابارلاما كەلگەن. وندا ول گەرمانياعا جۇمىسقا شاقىرىلعانىن جانە بيلەت اقشاسى قايتارىلعانىن جازعان.
"بۇل حابارلامانى ءوزى جازباعانىنا سەنىمدىمىز. كورگەن-بىلگەندەر بولسا، حابارلاسۋلارىڭىزدى سۇرايمىز", – دەدى اپكەسى الەكساندرا.
قازاقستاننىڭ سىرتقى ىستەر مينيسترلىگى جاعدايدان حاباردار ەكەنىن مالىمدەدى. ۆەدومستۆونىڭ مالىمەتىنشە، ۆارشاۆاداعى كونسۋلدىق ءبولىم پولشا قۇزىرلى ورگاندارىنا رەسمي نوتا جولداعان.
ۆارشاۆا قالاسىنىڭ پوليتسياسى اقپاراتتى قابىلداپ، ءىس ىزدەستىرۋ دەپارتامەنتىنە بەرىلگەن. قازىرگى ۋاقىتتا قاجەتتى كونسۋلدىق كومەك كورسەتىلىپ، ماسەلە مينيسترلىكتىڭ باقىلاۋىندا.
