وسكەمەندە كوپقاباتتى ۇيدە گاز جارىلىپ، ءبىر ادام جاراقات الدى. جارىلىس سالدارىنان ءبىرىنشى قاباتتان بەسىنشى قاباتقا دەيىن تەرەزەلەر سىنعان. بۇل تۋرالى توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
توتەنشە جاعدايلار دەپارتامەنتىنىڭ مالىمەتىنشە، گاز-اۋا قوسپاسى جارىلعان. وقيعا 30 مامىر كۇنى كوپقاباتتى ءۇيدىڭ بەسىنشى قاباتىندا بولعان.
جارىلىس سالدارىنان عيماراتتىڭ ءبىرىنشى قاباتىنان بەسىنشى قاباتىنا دەيىن بارلىق تەرەزەلەر سىنعان. سونىمەن قاتار ەكى پاتەردەگى بولمە اراسىنداعى قابىرعالار قيراعان.
"اۋىر جاعدايدا 1989 جىلى تۋعان ەر ادام جەتكىزىلدى. ول پاتەردە جوندەۋ جۇمىسىن جۇرگىزىپ جاتقان. توتەنشە جاعدايلار دەپارتامەنتىنىڭ قىزمەتكەرلەرى پاتەردەن تۇرعىنداردى ەۆاكۋاتسيالادى", – دەدى قۇتقارۋشىلار.
قازىر وقيعا ورنىندا 25 قۇتقارۋشى مەن 7 بىرلىك تەحنيكا جۇمىس ىستەپ جاتىر.
بەينەجازبانى تەلەگرام ارنامىزدان كورە الاسىز.
“ادىرنا” ۇلتتىق پورتالى
