بۇگىن تالدىقورعاندا جۋرناليستەر ۇيىنە بەيسەن قۇرانبەكتىڭ ەسىمى بەرىلدى، دەپ حابارلايدى «ادىرنا» ءتىلشىسى.
شاراعا جەتىسۋ وبلىسىنىڭ اكىمى بەيبىت يساباەۆ، قر پارلامەنتى سەناتىنىڭ دەپۋتاتى نۇرتورە ءجۇسىپ، ءماجىلىس دەپۋتاتى جاناربەك ءاشىمجان، تەلەۆيزيا ارداگەرى قاينار ولجاي ارنايى قاتىستى.
بۇعان دەيىن پرەزيدەنت قاسىم-جومارت توقاەۆ تا بۇل باستامانى قولدايتىنىن جەتكىزگەن ەدى.
«مەن تالدىقورعانداعى جۋرناليستەر ۇيىنە بەيسەن قۇرانبەكتىڭ ەسىمىن بەرۋ تۋرالى ۇسىنىس ايتىلىپ جۇرگەنىن بىلەمىن. بۇل — جەتىسۋ جۇرتشىلىعىنىڭ، سونداي-اق بارشا جۋرناليستەر قاۋىمىنىڭ، قالىڭ كورەرمەننىڭ جانە جالپى حالىقتىڭ قالاۋى. سوندىقتان، باستامانى قولداۋ قاجەت دەپ سانايمىن»، — دەدى ول.
