2 جەلتوقساندا “قازاقمىس كورپوراتسياسى” جشس باسقارما توراعاسى قىزمەتىنە 33 جاستاعى نۇراحمەت نۇريەۆتىڭ تاعايىندالعانى بەلگىلى بولدى. بۇعان دەيىن كومپانيانى 2006 جىلدان بەرى ۇزاق جىلدار بويى ەدۋارد وگاي باسقارىپ كەلگەن. وگايدىڭ ءوزى جاڭا باسشىنى تانىستىرۋ كەزىندە نۇريەۆتىڭ جاس مامان بولسا دا تاجىريبەسى جەتكىلىكتى ەكەنىن ايتىپ، جاقسى ناتيجە كورسەتەتىنىنە سەنىم بىلدىرگەن.
ەڭبەك ۇجىمى الدىندا ءوزىنىڭ ءىزباسارىن تانىستىرا وتىرىپ، ەدۋارد وگاي مۇنداي شەشىم قازاقمىس كومپانياسىنىڭ جۇرەگى بولىپ وتىرعان جاڭا ۇلىتاۋ وبلىسىنىڭ قۇرىلۋىنا بايلانىستى تۋىنداعانىن اتاپ وتكەن.
“نۇراحمەت قاناتۇلى جەزقازعاندا جۇمىس ىستەيتىن بولادى جانە ورتالىق كەڭسە وسىندا ورنالاسادى. ءبىز جەزقازعان قالاسىندا بولامىز جانە كومپانيانىڭ شەشىم قابىلداۋ ورتالىعى دا وسىندا بولادى. نۇراحمەت قاناتۇلى جاس مامان بولسا دا، تاجىريبەسى جەتكىلىكتى جانە ول بىزدەن دە جاقسى ناتيجە كورسەتەدى”، –دەگەن ەدۋارد وگاي.
نۇراحمەت نۇريەۆ ءوز كەزەگىندە قىزمەتكەرلەر مەن وندىرىستىك ۇجىم الدىندا كورسەتكەن جوعارى سەنىمى ءۇشىن باسشىلىققا العىسىن ءبىلدىرىپ، كومپانيانىڭ قۇندىلىقتارى مەن ماقساتتارىنا ادالدىعىن، سونداي-اق وبلىستى دامىتۋ جانە ەلدىڭ جوعارى باسشىلىعىمەن جاڭا، ءادىل قازاقستان قۇرۋ جونىندەگى ورتاق ۇستانىمىن بىلدىرگەن.
قازاقمىس – تاۋ-كەن ونەركاسىبى مەن ءتۇستى مەتاللۋرگيامەن اينالىساتىن كاسىپورىن. كورپوراتسيانىڭ نەگىزگى پاكەتى قازاقستاندىق ميللياردەر ۆلاديمير كيمگە تيەسىلى. ال وتكەن 16 جىلدا ونى ەدۋارد وگاي باسقارىپ كەلدى.
ال نۇراحمەت قاناتۇلى سەكىلدى شەتەلدە العان ءبىلىمى مەن وزىق تاجىريبەسى بار جاس ماماننىڭ لاۋازىمدى ورىنعا تاعايىندالۋىنا ۇلكەن ءۇمىت ارتاتىندار كوپ. 1989 جىلى تۋعان نۇراحمەت نۇريەۆ ۇلىبريتانيادا Angila Ruskin University-دە ىسكەرلىك اكىمشىلەندىرۋ ماگيستر دارەجەسىن العان.
“مەن جاستارعا سەنەمىن!”
سونىمەن قاتار وسى 30 جىلدىڭ ىشىندە قازاق باسشىنىڭ كەلۋى كومپانيانىڭ تاريحىندا العاش رەت بولىپ وتىرعانىنا نازار اۋدارا كەتكەنىمىز ءجون.
پرەزيدەنت قاسىم-جومارت توقاەۆتىڭ ءوزى يناۋگۋراتسيا راسىمىندە وزىق ويلى جاستاردى ماقتان تۇتاتىنىن ايتىپ، بولاشاعىنان ءۇمىت كۇتتىرەتىن مامانداردى قولداۋعا شاقىرعان.
ء“بىز باسقالاردىڭ جاساعانىن پايدالانۋمەن عانا شەكتەلمەي، الەمگە ءوزىمىزدىڭ جاڭالىقتارىمىز بەن جەتىستىكتەرىمىزدى كورسەتۋىمىز قاجەت. ال بۇل ءۇشىن حالقىمىزدىڭ الەۋەتى دە، تالانتى دا ءتىپتى ونەرى دە جەتەرلىك. مەن ءبىزدىڭ قابىلەتتى دە وزىق ويلى جاستارىمىزدى ماقتان ەتەمىن. سول سەبەپتى اقىن ماعجان جۇماباەۆتىڭ “مەن جاستارعا سەنەمىن!” دەگەن ولەڭ جولدارىن قايتالاۋعا ءازىرمىن. جاستاردى ءبارىمىز قولداۋىمىز كەرەك. سەبەبى ەلىمىزدىڭ جارقىن بولاشاعىنا جول اشاتىن – وسى جاستار”، – دەگەن ەدى توقاەۆ.
جاۋاپكەرشىلىگى ۇلكەن ورىنعا تاعايىندالعان نۇراحمەت نۇريەۆتىڭ ەڭبەك تاجىريبەسى دە مول. 2011-2013 جىلدار ارالىعىندا Hamble Group كومپانياسىندا قارجىلىق تالداۋشى بولىپ جۇمىس ىستەگەن.
2013-2015 جىلدارى پاۆلودار جانە اتىراۋ قالالارىندا مۇناي وڭدەۋ زاۋىتتارىنىڭ قۇرىلىمدىق بولىمشەلەرىندە جۇمىس ىستەدى.
ال 2015-2019 جىلدارى "مايكۋبەن ۆەست" جشس جانە "شۇباركول پرەميۋم" اق كومىر ءوندىرۋشى كاسىپورىندارىندا قارجى ديرەكتورى، باس ديرەكتوردىڭ كورپوراتيۆتىك دامۋ جونىندەگى ورىنباسارى قىزمەتىن اتقارعان.
2019 جىلدان 2020 جىلعا دەيىن "ينتەرگاز ورتالىق ازيا" اق تاراز ۋمگ فيليالى ديرەكتورىنىڭ ورىنباسارى، "قازترانسگاز" اق تاريفتەر جانە ينۆەستيتسيالىق ساياسات دەپارتامەنتى ديرەكتورىنىڭ ورىنباسارى بولعان.
ال كورپوراتسياداعى ەڭبەك جولىن 2020 جىلى جوبالاۋ توبىنىڭ باسشىسى قىزمەتىنەن باستادى. سول جىلدىڭ قىركۇيەك ايىنان باستاپ "قازاقمىس كورپوراتسياسى" جشس اۋتسورسينگ جونىندەگى ديرەكتورى قىزمەتىن اتقارىپ كەلدى.
2021 جىلدىڭ ماۋسىم ايىندا نۇراحمەت نۇريەۆ "قازاقمىس سمەلتينگ" جشس باس ديرەكتورى بولىپ تاعايىندالدى.
