2 jeltoqsanda “Qazaqmys korporaııasy” JShS basqarma tóraǵasy qyzmetine 33 jastaǵy Nurahmet Nurıevtiń taǵaıyndalǵany belgili boldy. Buǵan deıin kompanııany 2006 jyldan beri uzaq jyldar boıy Edýard Ogaı basqaryp kelgen. Ogaıdyń ózi jańa basshyny tanystyrý kezinde Nurıevtiń jas maman bolsa da tájirıbesi jetkilikti ekenin aıtyp, jaqsy nátıje kórsetetinine senim bildirgen.
Eńbek ujymy aldynda óziniń izbasaryn tanystyra otyryp, Edýard Ogaı mundaı sheshim Qazaqmys kompanııasynyń júregi bolyp otyrǵan jańa Ulytaý oblysynyń qurylýyna baılanysty týyndaǵanyn atap ótken.
“Nurahmet Qanatuly Jezqazǵanda jumys isteıtin bolady jáne ortalyq keńse osynda ornalasady. Biz Jezqazǵan qalasynda bolamyz jáne kompanııanyń sheshim qabyldaý ortalyǵy da osynda bolady. Nurahmet Qanatuly jas maman bolsa da, tájirıbesi jetkilikti jáne ol bizden de jaqsy nátıje kórsetedi”, –degen Edýard Ogaı.
Nurahmet Nurıev óz kezeginde qyzmetkerler men óndiristik ujym aldynda kórsetken joǵary senimi úshin basshylyqqa alǵysyn bildirip, kompanııanyń qundylyqtary men maqsattaryna adaldyǵyn, sondaı-aq oblysty damytý jáne eldiń joǵary basshylyǵymen Jańa, Ádil Qazaqstan qurý jónindegi ortaq ustanymyn bildirgen.
Qazaqmys – taý-ken ónerkásibi men tústi metallýrgııamen aınalysatyn kásiporyn. Korporaııanyń negizgi paketi qazaqstandyq mıllıarder Vladımır Kımge tıesili. Al ótken 16 jylda ony Edýard Ogaı basqaryp keldi.
Al Nurahmet Qanatuly sekildi shetelde alǵan bilimi men ozyq tájirıbesi bar jas mamannyń laýazymdy orynǵa taǵaıyndalýyna úlken úmit artatyndar kóp. 1989 jyly týǵan Nurahmet Nurıev Ulybrıtanııada Angila Ruskin University-de iskerlik ákimshilendirý magıstr dárejesin alǵan.
“Men jastarǵa senemin!”
Sonymen qatar osy 30 jyldyń ishinde qazaq basshynyń kelýi kompanııanyń tarıhynda alǵash ret bolyp otyrǵanyna nazar aýdara ketkenimiz jón.
Prezıdent Qasym-Jomart Toqaevtyń ózi ınaýgýraııa rásiminde ozyq oıly jastardy maqtan tutatynyn aıtyp, bolashaǵynan úmit kúttiretin mamandardy qoldaýǵa shaqyrǵan.
“Biz basqalardyń jasaǵanyn paıdalanýmen ǵana shektelmeı, álemge ózimizdiń jańalyqtarymyz ben jetistikterimizdi kórsetýimiz qajet. Al bul úshin halqymyzdyń áleýeti de, talanty da tipti óneri de jeterlik. Men bizdiń qabiletti de ozyq oıly jastarymyzdy maqtan etemin. Sol sebepti aqyn Maǵjan Jumabaevtyń “Men jastarǵa senemin!” degen óleń joldaryn qaıtalaýǵa ázirmin. Jastardy bárimiz qoldaýymyz kerek. Sebebi elimizdiń jarqyn bolashaǵyna jol ashatyn – osy jastar”, – degen edi Toqaev.
Jaýapkershiligi úlken orynǵa taǵaıyndalǵan Nurahmet Nurıevtiń eńbek tájirıbesi de mol. 2011-2013 jyldar aralyǵynda Hamble Group kompanııasynda qarjylyq taldaýshy bolyp jumys istegen.
2013-2015 jyldary Pavlodar jáne Atyraý qalalarynda munaı óńdeý zaýyttarynyń qurylymdyq bólimshelerinde jumys istedi.
Al 2015-2019 jyldary "Maıkýben Vest" JShS jáne "Shubarkól Premıým" AQ kómir óndirýshi kásiporyndarynda qarjy dırektory, Bas dırektordyń korporatıvtik damý jónindegi orynbasary qyzmetin atqarǵan.
2019 jyldan 2020 jylǵa deıin "Intergaz Ortalyq Azııa" AQ Taraz ÝMG fılıaly dırektorynyń orynbasary, "QazTransGaz" AQ tarıfter jáne ınvestıııalyq saıasat departamenti dırektorynyń orynbasary bolǵan.
Al korporaııadaǵy eńbek jolyn 2020 jyly jobalaý tobynyń basshysy qyzmetinen bastady. Sol jyldyń qyrkúıek aıynan bastap "Qazaqmys korporaııasy" JShS aýtsorsıng jónindegi dırektory qyzmetin atqaryp keldi.
2021 jyldyń maýsym aıynda Nurahmet Nurıev "Qazaqmys Smeltıng" JShS Bas dırektory bolyp taǵaıyndaldy.
