"نەنى جەيسىڭ-سولسىڭ",-دەيدى شىعىس."اسىنا قاراپ،ادامىن تانى",-دەپ تە جاتادى. قاراعاندىداعى وقيعا ورنى، شاھار تولى كاپقاز، وزبەك، قىتاي، جاپون رەستوراندارى ءبىزدىڭ نەگىزگى تۇستان قاپى قالعانىمىزدى كورسەتتى. ءبىز كىمنىڭ تاماعىن جەپ ءجۇرمىز! كىم بىزگە اسىن وتكىزۋدە؟
ارينە الەمدى جاۋلاعان تاماق كونتسەرىندەرىنە جەتە المايمىز. KRAFT FOODS, Nestle S.A, Prokter & Qamble سەكىلدى شىڭدار شاڭىنا كومسە دە، ءوز ىشىمىزدەگى نارىقتى يگەرە الماي جاتقانىمىز جان اۋىرتادى. ءتىپتى وزبەك ەجەلگى اسى بولماسا دا، پالاۋدى الا تاقيالى تۋىستار ۇلتتىق برەندكە اينالدىرىپ الدى. دولما جونىندەگى "ۇلى داۋدا" ءازىربايجان ستاليك حانكيشەۆ-ءازىربايجان اسى ەكەنىن دالەلدەپ شىقتى! قانداي دەرەكتەر،ارگۋمەنت، فاكتىلەر ايتىلمادى دەسەڭىزشى! بۇل مەن كورگەن اسا ءىرى "كۋحنيا كوسەمى". قىتاي الەمگە ۇلتتىق تاعامىنىڭ جيىرما تومىن شىعارىپ تاستادى! ىشىندە قازاقتىڭ دا اس اتاۋى بار! جاپوننىڭ فۋگۋ بالىعىنىڭ قۇنى 300 دوللار، دايىن اسى 1000 دوللار تۇرادى! ونى دايىندار شەبەر 50000 دوللاردان كەم باعاعا اسپازشى بولمايدى! "فۋگۋدى جەگەندە، جەمەگەندە-اقىماق",- دەيدى جاپوندار. قانشا جارناما جانە ەكزوتيكا!
ال ءبىز "بەشبارماق" دەگەن اتاۋعا قارسى شىققان قونىسباي اعا ءابىلوۆتىڭ قاسىنان تابىلا المادىق... ءسۋشيدى، پيتستسانى جەرىك اسىنداي جەر جاس ۇرپاق-قۇنانبايدىڭ سۇيىكتى اسى جاۋبۇيرەكتى بىلمەيدى. نەمەسە"حارچو"دەپ ۇسىنىلعان ارمەن ەتى-قازاقتىڭ ەدىلبايى ەكەنىن ءوزى عانا بىلەر. اسىڭدى ءوزىڭ ىستە قازاق! كەلىمسەك سوندا جونىنە كەتەدى. ءبىز اس ساياساتىن جاتقا بەرىپ قويدىق.. . ول ءبىزدىڭ ۇلت ءپالساپامىز ەدى، ەندى يدەولوگيامىز
سەرىك ەلىكباي
"ادىرنا" ۇلتتىق پورتالى
