حابار تەلەارناسىنىڭ ء"بىزدىڭ ماقسات" توك-شوۋىندا ساياساتتانۋشى تالعات جانىسباي پەن ءماجىلىس دەپۋتاتى ايدوس سارىم سوزگە كەلىپ قالدى، دەپ جازادى "ادىرنا" ۇلتتىق پورتالى.
"اناۋ شالعاي اۋىلدارعا، قالادان شەتكە بارىڭىزشى! 250 مىڭ تەڭگە كرەديتىن تولەي الماي، پاتەر جالداپ جۇرگەندەرگە... پارلامەنتتەگى حالىق وكىلدەرىن، سول دەپۋتاتتاردى حالىق سايلادى عوي. پارلامەنت تەك زاڭ شىعارىپ، باسقاسى ار جاقتا "نە بولسا، و بولسىن" دەگەن ءسوز ەمەس قوي. پروبلەما شەشۋ كەرەك. حالىقتىڭ اراسىنا بارۋ كەرەك", - دەدى تالعات جانىسباي ايدوس سارىمعا.
ءماجىلىس دەپۋتاتى ساياساتتانۋشىنىڭ بۇل پىكىرىنە ءۇزىلدى-كەسىلدى قارسىلىق تانىتىپ، پارلامەنتتىڭ نەگىزگى فۋنكتسياسى مۇلدە باسقا ەكەنىن جەتكىزدى.
"پروبلەمانى اكىمدىك شەشەدى. ەگەر اكىمدىك ماسەلە شەشپەسە، ءبىز سول كەزدە ارالاسامىز. بىرەۋى زاڭ شىعارادى، بىرەۋى ترۋبانى جوندەيدى", - دەپ شورت كەستى ول.
تالعات جانىسباي دەپۋتاتتىڭ بەرگەن جاۋابىنا قاناعاتتانباي، ءبۇي دەدى:
"سىزدەر سول اكىمدىككە، ۇكىمەتكە سۇراۋ سالاسىزدار. سوندا 107 دەپۋتاتتىڭ ءبارى تەك زاڭ شىعارىپ وتىرا ما؟ حالىق قالاۋلىسىزدار! سىزدەرگە ءۇمىت ارتتىق. زاڭ شىعارۋ ءۇشىن سايلاعان جوق. ءبىزدىڭ جاعدايىمىزدى جاساسىن دەپ سايلادى.
ايدوس سارىم دەپۋتاتتاردىڭ بار فۋنكتسياسى زاڭ شىعارۋدا ەكەنىن تاعى باسا ايتتى.
ء"يا. سول عانا فۋنكتسيامىز. حالىق زاڭ شىعارۋ ءۇشىن سايلادى. كەشىرىڭىز، ەگەر ونداي بولسا اۋدان اكىمى زاڭ شىعارسىن دا، ال ءبىز وندا ترۋبا جوندەيىك", - دەدى ءماجىلىس دەپۋتاتى.
