Ol Qazaqstandy odan ärı damytuǧa, onyŋ ışınde äleumettık-ekonomikalyq salalardy nyǧaituǧa, halyqtyŋ äl-auqatyn arttyruǧa jäne saiasi transformasiiany ıske asyruǧa baǧyttalǧan.
Kezdesude Mäslihat hatşysy Stanislav Kankurov, partiia fraksiialary men tūraqty komissiialardyŋ jetekşılerı jäne deputattar Kenjehan Matyjanov, Asiia Aqanova, Nūrsūltan Şoqanov, Mahambet Hasenov, Fedor Konstantinov, Serık Esmatov, Arailym Şamova söz söiledı.
Joldau barysynda Prezident maŋyzdy äleumettık-qoǧamdyq jäne ekonomikalyq mäselelerdı köterdı, memlekettık apparatqa bırqatar tapsyrmalar berdı, ŞOB-ty qoldau boiynşa tiımdı şaralardy jäne taǧy basqalardy ūsyndy. Qūrylymdyq qaita qūrular saiasi jaŋǧyrudyŋ jalǧasy boluǧa tiıs.
Qoǧamdyq igılıkterdıŋ joǧary deŋgeiıne jäne halyqtyŋ äleumettık osal sanattaryn, onyŋ ışınde erekşe qajettılıkterı bar azamattardy qoldauǧa kepıldık berıledı.
«Ärbır otbasy eldıŋ ūlttyq bailyǧyn paidalanudan naqty qaitarym aluǧa tiıs. Sondyqtan men jariialaǧan balalar jyly aiasynda «Ūlttyq qor – balalarǧa» atty tübegeilı jaŋa baǧdarlamany bastau öte maŋyzdy dep sanaimyn», - dedı Prezident Qasym-Jomart Toqaev.Ūlttyq qordyŋ jyl saiynǧy investisiialyq tabysynyŋ 50%-yn 18 jasqa tolǧanǧa deiın balalardyŋ arnaiy jinaqtauşy şottaryna merzımınen būryn alu qūqyǧynsyz audaru ūsynylady.
«Prezident el ekonomikasyn jetıldıruge, infraqūrylymdy damytuǧa, şaǧyn jäne orta biznestı qoldaudy nyǧaituǧa, auyl şaruaşylyǧy sektorynyŋ qarqyndy ösuıne basymdyq berdı. Osymen bırge salyq kodeksın jäne özge de bırqatar memlekettık retteu mehanizmderın tübegeilı türde qaita qūruǧa nazar audardy», - dedı Mäslihat hatşysy Stanislav Kankurov. «Bügın Prezidentımız Qasym-Jomart Toqaev el damuynyŋ jaŋa kezeŋıne aiaq basqan şaǧynda halyqqa öz Joldauyn jasady. Atalǧan Joldauda elımızıŋ ärı qarai damuy üşın bırqatar maŋyzdy baǧyttar aiqyndalyp, naqty tapsyrmalar berıldı. Halyq ünıne qūlaq asatyn memleket ekendıgın taǧy da däleldep, tūrǧyndar kötergen äleumettık-maŋyzdy salalarǧa da tyŋ serpın beretın jobalardy ūsyndy» - dedı deputat Serık Esmatov. «2022 jylǧy Qazaqstan Respublikasynyŋ Prezidentı Qasym Jomart Kemelūly Toqaevtyŋ joldauynyŋ erekşelıgı jyldaǧydan auqymy keŋ, mazmūndy boldy. Bılım salasyna asa nazar audaryp, «tärbie tal besıkten bastalady» dep bastady. Bırınşıden, balabaqşa tärbieşılerınıŋ jalaqysyn köteru kerek. Sondai-aq, mektepterde sapaly bılım berudıŋ maŋyzdylyǧy aityldy. Prezident Joldauynyŋ el halqynyŋ kündelıktı ömırınıŋ osyndai maŋyzdy aspektılerın qozǧaǧany quantady", - dedı deputat Arailym Şamova.Sonymen qatar, Memleket basşysy kelesı basymdyqtardy aitty:
- Memleket ekonomikalyq erkındıktı qoldaidy. Bıraq, halyqty naryq tūraqsyzdyǧynyŋ yqpalynan barynşa qorǧaidy. Şaǧyn jäne orta biznestı meilınşe damytady.
- «Sän - saltanat salyǧyn» engızuı. Mūnyŋ orta tapqa qatysy joq, būl salyq tek asa qymbat jyljymaityn mülık jäne avtokölık satyp alǧan kezde salynady.
- Eŋ tömengı jalaqy deŋgeidı 60-tan 70 myŋ teŋgege deiın köteru tapsyryldy.
- Bılım aluǧa jyldyq ösımı 2-3 paiyz bolatyn jeŋıldetılgen nesie de berıledı.
- Studentter jataqhanamen qamtamasyz etıluı tiıs. Memleket, joǧary oqu oryndary men qūrylys kompaniialary belsendı yntymaqtasuy qajet.
- 2023 jylǧy 1 qaŋtardan bastap bala kütımı üşın tölemaqy töleu merzımın säbi bır jarym jasqa tolǧanǧa deiın ūzartylady. Balalardyŋ eŋ maŋyzdy şaǧynda – säbi kezınde ata-analary janynda köbırek bolady.
- Otbasylyq zorlyq-zombylyq üşın jazany qataitatyn kez keldı. Bıraq, qalai desek te, otbasylyq zorlyq-zombylyqqa köz jūma qarauǧa bolmaidy.
- 2022 jyldyŋ küzınde kezekten tys Prezident sailauyn ötkızu ūsynyldy. Sondai-aq, prezidenttık ökılettıkterdıŋ sany men ūzaqtyǧyn qaita qarau, atap aitqanda ony bır merzımge (7 jylǧa) şekteu jäne qaita sailauǧa tyiym salu ūsynyldy.
- 2023 jyldyŋ bırınşı jartysynda Mäjılıs pen barlyq deŋgeilı mäslihattar sailauy ötedı.
Ūqsas jaŋalyqtar
