Ol Qazaqstandy odan ári damytýǵa, onyń ishinde áleýmettik-ekonomıkalyq salalardy nyǵaıtýǵa, halyqtyń ál-aýqatyn arttyrýǵa jáne saıası transformaııany iske asyrýǵa baǵyttalǵan.
Kezdesýde Máslıhat hatshysy Stanıslav Kankýrov, partııa frakııalary men turaqty komıssııalardyń jetekshileri jáne depýtattar Kenjehan Matyjanov, Asııa Aqanova, Nursultan Shoqanov, Mahambet Hasenov, Fedor Konstantınov, Serik Esmatov, Araılym Shamova sóz sóıledi.
Joldaý barysynda Prezıdent mańyzdy áleýmettik-qoǵamdyq jáne ekonomıkalyq máselelerdi kóterdi, memlekettik apparatqa birqatar tapsyrmalar berdi, ShOB-ty qoldaý boıynsha tıimdi sharalardy jáne taǵy basqalardy usyndy. Qurylymdyq qaıta qurýlar saıası jańǵyrýdyń jalǵasy bolýǵa tıis.
Qoǵamdyq ıgilikterdiń joǵary deńgeıine jáne halyqtyń áleýmettik osal sanattaryn, onyń ishinde erekshe qajettilikteri bar azamattardy qoldaýǵa kepildik beriledi.
«Árbir otbasy eldiń ulttyq baılyǵyn paıdalanýdan naqty qaıtarym alýǵa tıis. Sondyqtan men jarııalaǵan balalar jyly aıasynda «Ulttyq qor – balalarǵa» atty túbegeıli jańa baǵdarlamany bastaý óte mańyzdy dep sanaımyn», - dedi Prezıdent Qasym-Jomart Toqaev.
Ulttyq qordyń jyl saıynǵy ınvestıııalyq tabysynyń 50%-yn 18 jasqa tolǵanǵa deıin balalardyń arnaıy jınaqtaýshy shottaryna merziminen buryn alý quqyǵynsyz aýdarý usynylady.
«Prezıdent el ekonomıkasyn jetildirýge, ınfraqurylymdy damytýǵa, shaǵyn jáne orta bıznesti qoldaýdy nyǵaıtýǵa, aýyl sharýashylyǵy sektorynyń qarqyndy ósýine basymdyq berdi. Osymen birge salyq kodeksin jáne ózge de birqatar memlekettik retteý mehanızmderin túbegeıli túrde qaıta qurýǵa nazar aýdardy», - dedi Máslıhat hatshysy Stanıslav Kankýrov.
«Búgin Prezıdentimiz Qasym-Jomart Toqaev el damýynyń jańa kezeńine aıaq basqan shaǵynda halyqqa óz Joldaýyn jasady. Atalǵan Joldaýda elimiziń ári qaraı damýy úshin birqatar mańyzdy baǵyttar aıqyndalyp, naqty tapsyrmalar berildi. Halyq únine qulaq asatyn memleket ekendigin taǵy da dáleldep, turǵyndar kótergen áleýmettik-mańyzdy salalarǵa da tyń serpin beretin jobalardy usyndy» - dedi depýtat Serik Esmatov.
«2022 jylǵy Qazaqstan Respýblıkasynyń Prezıdenti Qasym Jomart Kemeluly Toqaevtyń joldaýynyń ereksheligi jyldaǵydan aýqymy keń, mazmundy boldy. Bilim salasyna asa nazar aýdaryp, «tárbıe tal besikten bastalady» dep bastady. Birinshiden, balabaqsha tárbıeshileriniń jalaqysyn kóterý kerek. Sondaı-aq, mektepterde sapaly bilim berýdiń mańyzdylyǵy aıtyldy. Prezıdent Joldaýynyń el halqynyń kúndelikti ómiriniń osyndaı mańyzdy aspektilerin qozǵaǵany qýantady", - dedi depýtat Araılym Shamova.
Sonymen qatar, Memleket basshysy kelesi basymdyqtardy aıtty:
- Memleket ekonomıkalyq erkindikti qoldaıdy. Biraq, halyqty naryq turaqsyzdyǵynyń yqpalynan barynsha qorǵaıdy. Shaǵyn jáne orta bıznesti meılinshe damytady.
- «Sán - saltanat salyǵyn» engizýi. Munyń orta tapqa qatysy joq, bul salyq tek asa qymbat jyljymaıtyn múlik jáne avtokólik satyp alǵan kezde salynady.
- Eń tómengi jalaqy deńgeıdi 60-tan 70 myń teńgege deıin kóterý tapsyryldy.
- Bilim alýǵa jyldyq ósimi 2-3 paıyz bolatyn jeńildetilgen nesıe de beriledi.
- Stýdentter jataqhanamen qamtamasyz etilýi tıis. Memleket, joǵary oqý oryndary men qurylys kompanııalary belsendi yntymaqtasýy qajet.
- 2023 jylǵy 1 qańtardan bastap bala kútimi úshin tólemaqy tóleý merzimin sábı bir jarym jasqa tolǵanǵa deıin uzartylady. Balalardyń eń mańyzdy shaǵynda – sábı kezinde ata-analary janynda kóbirek bolady.
- Otbasylyq zorlyq-zombylyq úshin jazany qataıtatyn kez keldi. Biraq, qalaı desek te, otbasylyq zorlyq-zombylyqqa kóz juma qaraýǵa bolmaıdy.
- 2022 jyldyń kúzinde kezekten tys Prezıdent saılaýyn ótkizý usynyldy. Sondaı-aq, prezıdenttik ókilettikterdiń sany men uzaqtyǵyn qaıta qaraý, atap aıtqanda ony bir merzimge (7 jylǵa) shekteý jáne qaıta saılaýǵa tyıym salý usynyldy.
- 2023 jyldyń birinshi jartysynda Májilis pen barlyq deńgeıli máslıhattar saılaýy ótedi.
