قىرعىزستاننىڭ ەكس-ءمينيسترى المازبەك اتامباەۆ 2 جەلتوقساندا بىرنەشە قىلمىستىق ءىس بويىنشا جاۋاپ بەرۋ ءۇشىن بىشكەكتەگى اۋداندىق سوتقا جەتكىزىلدى. بۇل تۋرالى اكيpress باسىلىمى جاريالادى، دەپ حابارلايدى “ادىرنا” ۇلتتىق پورتالى.
اتامباەۆتى تۇرمەدەن سوت وتىرىسىنا مەملەكەتتىك ايىپتاۋشى ەرنەست اساكەەۆتىڭ ايىپتالۋشىنى كۇشتەپ الىپ كەلۋ تۋرالى وتىنىشىنەن كەيىن جەتكىزگەن.
سوت زالىندا ەكس-پرەزيدەنت بارلىعىمەن امانداسىپ، مەملەكەتتىك ايىپتالۋشىنىڭ ارەكەتىن زاڭسىز دەپ اتادى.
"مىنا وڭباعان زاڭسىز بۇيرىقتاردى ورىنداپ جاتىر. ءىستى سوكەنىڭ كەزىندە (سوورونباي جەەنبەكوۆ) قوزعاعان جانە مىنا وڭباعان پروكۋرورلار بۇل باسسىزدىقتى جالعاستىرۋدا", - دەدى اتامباەۆ.
ايتۋىنشا، دەنساۋلىق جاعدايىنا بايلانىستى سوت وتىرىسىنا كەلە المايدى. قازىر ونىڭ ومىرتقاسى اۋىرادى ەكەن. دەگەنمەن ەكس-پرەزيدەنتتى كۇشتەپ الىپ كەلىپتى. سوت زالىنا سۋديا ازىرەت مەدەروۆ كىرگەندە ايىپتالۋشى "وڭباعاندار" دەپ ايقايلاپ، وتىرىسقا قاتىسۋدان باس تارتتى. اتامباەۆ كامەرا قابىرعاسىن تەپكىلەگەن، ال قاتىسۋشىلار "ماسقارا" دەپ ايقايلاعان. كەيىن ايىپتالۋشىنى سوت زالىنان الىپ كەتتى.
