وتىزىنشى قاراشا كۇنى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىنىڭ 1-كۋرس ماگيسترانتتارى مەن ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ 1-2 كۋرس ماگيسترانتتارىنىڭ بىرلەسكەن «كورپوراتيۆتى مادەنيەتتىڭ پسيحولوگيالىق اسپەكتىلەرى جانە ەگويزم پسيحولوگياسى» اتتى تاقىرىبىندا اشىق سەمينار ساباعى ءوتتى.
ءىس شارانى ۇيىمداستىرۋشى ءال-فارابي اتىنداعى قازۇۋ، جالپى جانە قولدانبالى پسيحولوگيا» كافەدراسىنىڭ پروفەسسورى، پسيحولوگيا عىلىمدارىنىڭ دوكتورى س.ق. بەردىباەۆا.
بۇل ءىس-شارا ون-لايىن جانە وف-لاين فورماتتا وتكىزىلدى.
سەمينار ساباعىنا شەتەلدىك جانە قازاقستاندىق عالىمدار قاتىستى، اتاپ ايتقاندا، گەرمانيادان «Reinhardshöhe» وڭالتۋ كلينيكاسىنىڭ كلينيكالىق پسيحولوگى، Phd دوكتورى گاربەر الەنا، يندونەزيا ەلىنەن مارزوەكي ماحدي اتىنداعى پسيحياتريالىق اۋرۋحاناسىنىڭ پسيحياترى Prasetiyawan Dayat, رەسەيدىڭ سامارا مەملەكەتتىك الەۋمەتتىك-پەدوگوگيكالىق ۋنيۆەرسيتەتىنىڭ دوتسەنتى يۆانوۆ د. ۆ. جانە قىرعىزستاننىڭ ءجۇسىپ بالاساعۇن اتىنداعى ۇلتتىق ۋنيۆەرسيتەتىنىڭ الەۋمەتتىك-گۋمانيتارلىق فاكۋلتەتىنىڭ دەكانى، كامچىبەكۋلۋ مىرزابەك.
سونىمەن قاتار، ت. جۇرگەنوۆ قازاق ۇلتتىق وونەر اكادەمياسىنىڭ وقۋ جانە وقۋ-ادىستەمەلىك جۇمىس جونىندەگى پرورەكتورى، ساياساتتانۋ عىلىمدارىنىڭ دوكتورى، پروفەسسور اميربەكوۆ ش. ا.، وسى اكادەميانىڭ «قازاقستان تاريحى جانە الەۋمەتتىك عىلىمدار» كافەدراسىنىڭ مەڭگەرۋشىسى، دوتسەنت اليمجانوۆا ا.، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ قىزىلوردا وبلىسى بويىنشا فيليالىنىڭ دوتسەنت اياگانوۆا ا.، ە.گۋميلەۆ اتىنداعى ەۆرازيا ۇلتتىق ۋنيۆەرسيتەتىڭ دوتسەنتى بايجۋمانوۆا ب.ش.، اليحان بوكەيحان ۋنيۆەرسيتەتىنىڭ اعا وقىتۋشىسى ابدۋللينا گ. ك.، م. اۋەزوۆ اتىنداعى وڭتۇستىك-قازاقستان مەملەكەتتىك ۋنيۆەرسيتەتىنىڭ وقىتۋشىلارى ساحيەۆا ف.، دۋانەۆا س. قاتىسىپ ءوز ويلارىمەن ءبولىستى
ءىس-شارا بارىسىندا باسقارۋ پسيحولوگياسى ءپانى اياسىندا قاراستىرىلاتىن كورپوراتيۆتى مادەنيەتتىڭ پسيحولوگيالىق اسپەكتىلەرى جانە ەگويزم پسيحولوگياسى تۋرالى ماگيسترانتتار وزدەرىنىڭ اۆتورلىق پرەزەنتاتسيالارىن ۇسىنىپ، ءساتتى قورعاپ شىقتى.
ەكى جوعارعى وقۋ ورنىنىڭ ماگيسترانتتارىنىڭ اۆتورلىق جوبالارىندا وزدەرى تۇسىرگەن الەۋمەتتىك-پيسحولوگيالىق ۆيدەولارى، جۇرگىزىلگەن ينتەرۆيۋلەرى، زەرتتەۋ باعدارلامالارى وتە تارتىمدى بولدى جانە اۋديتوريا ءۇشىن بەرەتىن تانىمدىق اقپاراتتىق مازمۇنى باسقارۋ جۇيەسىندەگى پسيحولوگيالىق ماڭىزدىلىقتى كورسەتە ءبىلدى.
ءىس-شارا اياعىندا ت.ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ ماگيسترانتتارىنىڭ وز ونەرلەرىن كورسەتۋىمەن اياقتالدى.
جالپى جانە قولدانبالى پسيحولوگيا كافەدراسىنىڭ 1-كۋرس ماگيسترانتى
وسپاگانبەتوۆا ءمولدىر
"ادىرنا" ۇلتتىق پورتالى
