پاۆلودار وبلىسىنىڭ ەكس-اكىمى ەكىباستۇزدىقتاردان كەشىرىم سۇرادى

3669
Adyrna.kz Telegram

پاۆلودار وبلىسىنىڭ ەكس-اكىمى ابىلقايىر سقاقوۆ ەكىباستۇزدىقتاردان كەشىرىم سۇرادى، دەپ حابارلايدى «ادىرنا» ءتىلشىسى.

ول ءوز مىندەتىن شىنايى جانە ادال ورىنداعانىن اتاپ ءوتتى.

«قۇرمەتتى جەرلەستەر! مەن ءۇشىن سىزدەرگە قىزمەت ەتۋ اسا زور قۇرمەت بولدى. ماسەلەلەردى شەشۋدى باستى باسىمدىق ەتە وتىرىپ، مەن ارقاشان دا بارلىعىن شىنايى جانە ادال ورىندادىم. جىلدار بويى جينالعان ماسەلەلەردىڭ ءبىراز بولىگى شەشىلدى، قالعانىن شەشۋگە ۋاقىت كوبىرەك قاجەت بولدى. ەكىباستۇزداعى توتەنشە جاعداي ءدال سول – ۇزاق ۋاقىت بويى جينالىپ كەلگەن جانە تەز شەشىلمەيتىن پروبلەما. دەگەنمەن، قادىرلى ەكىباستۇز تۇرعىندارى، مەن قالىپتاسقان جاعداي ءۇشىن ءوز جاۋاپكەرشىلىگىمنىڭ دە بار ەكەنىن بىلەمىن جانە سىزدەردەن شىن جۇرەكتەن كەشىرىم سۇرايمىن! وسى كۇندەرى مەنىڭ بارلىق ويىم مەن ۋايىمىم سىزدەر تۋرالى بولدى جانە سولاي بولادى. سىزدەرگە قايراتتىلىق، ال ماماندار مەن ارىپتەستەرىمە ماسەلەنىڭ جەدەل شەشىلۋىن تىلەيمىن»،—دەدى ول.

ەسكە سالا كەتەيىك، ابىلقايىر باقتىبايۇلى 1 جەلتوقساندا مەملەكەت باسشىسىنىڭ جارلىعىمەن قىزمەتىنەن بوساتىلدى.

پىكىرلەر