Pavlodar oblysynyń eks-ákimi Ábilqaıyr Sqaqov ekibastuzdyqtardan keshirim surady, dep habarlaıdy «Adyrna» tilshisi.
Ol óz mindetin shynaıy jáne adal oryndaǵanyn atap ótti.
«Qurmetti jerlester! Men úshin sizderge qyzmet etý asa zor qurmet boldy. Máselelerdi sheshýdi basty basymdyq ete otyryp, men árqashan da barlyǵyn shynaıy jáne adal oryndadym. Jyldar boıy jınalǵan máselelerdiń biraz bóligi sheshildi, qalǵanyn sheshýge ýaqyt kóbirek qajet boldy. Ekibastuzdaǵy tótenshe jaǵdaı dál sol – uzaq ýaqyt boıy jınalyp kelgen jáne tez sheshilmeıtin problema. Degenmen, qadirli Ekibastuz turǵyndary, men qalyptasqan jaǵdaı úshin óz jaýapkershiligimniń de bar ekenin bilemin jáne sizderden shyn júrekten keshirim suraımyn! Osy kúnderi meniń barlyq oıym men ýaıymym sizder týraly boldy jáne solaı bolady. Sizderge qaırattylyq, al mamandar men áriptesterime máseleniń jedel sheshilýin tileımin»,—dedi ol.
Eske sala keteıik, Ábilqaıyr Baqtybaıuly 1 jeltoqsanda Memleket basshysynyń jarlyǵymen qyzmetinen bosatyldy.
