جايدارمان – ەلىمىزدەگى ەڭ العاشقى جاستار اراسىنداعى ازىلدەن قۇرالعان ويىن ءتۇرى. استارى بار ءازىل، ساياساتتىڭ قىر-سىرىن كۇلكى ارقىلى جەتكىزۋ، ءاربىر ادامنىڭ قولىنان كەلە بەرمەيدى. وسىنداي تالانتتى جاستار قوعامعا ۇلەستەرىن قوسىپ جانە جالپى جاستار ساياساتىنداعى قوزعالىستى دامىتىپ، ەلىمىزدىڭ رۋحاني بايلىعىن كەڭەيتۋدە اتسالىسىپ جۇرگەن جاستار بارشىلىق. 20 جىلدان استام تاريحىمەن تالاي جاستاردى بيىك شىڭداردا كورسەتىپ جۇرگەن بۇل ويىننىڭ ورنى ەرەكشە.
وسىعان وراي، اقمولا وبلىسى اكىمدىگى جانە ىشكى ساياسات باسقارماسىنىڭ قولداۋىمەن اقمولا وبلىسى جاستار-رەسۋرستىق ورتالىعى «JAIDARMAN» اشىق ءازىل-سىقاق فەستيۆالىن اعىمداعى جىلدىڭ 29 جۇلدىزىندا وتكىزدى. قىزىققا تولى جەرگىلىكتى كوماندالاردان بولەك، ويىنعا ەلىمىزدىڭ وزگە قالالارىنىڭ ۇزدىك جايدارمانشىلارى قاتىستى. اتاپ ايتساق، ەلوردامىز استانا، سەمەي جانە پەتروپاۆل قالالارىنان كەلگەن ۇزدىك جايدارمانشىلار. سونداي-اق، اتالمىش شاراعا قر «جايدارمان» ويىنىنىڭ پرەزيدەنتى – ەسەنتۇگەل ەلەۋكەن قاتىسىپ، وڭىرلىك جايدارمانشىلارعا قولداۋىن ءبىلدىرىپ، ويىننىڭ وتە جوعارى دەڭگەيدە وتكەنى تۋرالى توقتالىپ كەتتى.
«جايدارمان بۇل – جاستاردى ءبىر ورتاعا جينايتىن ويىن. جاس جايدارمانشىلارعا ايتارىم، كوماندالارىڭىزدا اۋىز بىرشىلىك، سىيلاستىق بولسىن. ءبىر-بىرلەرىڭىزدى تۇسىنە بىلسەڭىزدەر وتە كەرەمەت كوماندا بولاسىزدار. ەڭ باستىسى دايىندىق... قازىرگى تاڭدا ەلىمىزدىڭ تۇكپىر-تۇكپىر جەرلەرىنە بارىپ، اتالمىش ويىندى تاماشالاپ، ءتانتى بوپ كەلەمىن. شىنىدا دا نەبىر تالانتتى جاستارىمىز بار ەكەنىنە كوزىپ جەتتى. وسىنداي دارىندى، ساتيراعا قابىلەتى بار جاس ۇرپاقتى كوتەرۋىمىز كەرەك» - دەپ ءوز سوزىندە ەسەنتۇگەل اعامىز توقتالىپ كەتكەن بولاتىن.
ويىن قورىتىندىسى بويىنشا ءى ورىن جانە 500 مىڭ تەڭگە كولەمىندەگى اقشالاي سەرتيفيكاتپەن، كۋبوكپەن استانا قالاسى، ەۋرازيا ۇلتتىق ۋنيۆەرسيتەتىنىڭ «ەليتا» قۇراماسى قانجىعاسىنا بايلادى. ءىى ورىن جانە 250 مىڭ تەڭگە كولەمىندەگى اقشالاي سەرتيفيكاتپەن قوسشى قالاسى، «قوسشى» قۇراماسى جانە سەمەي قالاسىنان «قاراعايلى 34» كومانداسى يە بولدى. ال ءىىى ورىن جۇلدەگەرلەرى اتاعىنا يە بولعاندار جانە 150 مىڭ تەڭگە كولەمىندەگى اقشالاي سەرتيفيكاتپەن كوكشەتاۋ قالاسىنىڭ ج. مۋسين اتىنداعى جوعارى قازاق پەداگوگيكالىق كوللەدجى، «ەستە قالساق» جانە سەمەي قالاسىنىڭ «قىزدار ەمەس» قۇراماسى ماراپاتتالدى. «ۇزدىك ءازىل» نوميناتسياسىن «شوقان» قۇراماسى يەلەنسە، «ۇزدىك ويىنشى» نوميناتسياسىن – «ەليتا» قۇراماسىنىڭ ويىنشىسى ناۋرىز ساپاروۆقا بۇيىردى. ءار نوميناتسيا جۇلدەگەرلەرىنە 50 مىڭ تەڭگەلىك سەرتيفيكاتتار تابىستالدى.
جايدارمان سۇيەر جانكۇيەرلەر زالعا لىق تولى وتىرعانىمەن كوڭىلدەرى جاي بوپ، كەرەمەت اسەر الىپ، ويىندى ساعىنعاندارى كورىنىپ تۇردى. ءاربىر كورەرمەن ءوز سۇيگەن كوماندالارىنا شىنايى شاپالاق ۇرىپ، قولداۋ كورسەتىپ وتىردى.
"ادىرنا" ۇلتتىق پورتالى
