Jaıdarman – elimizdegi eń alǵashqy jastar arasyndaǵy ázilden quralǵan oıyn túri. Astary bar ázil, saıasattyń qyr-syryn kúlki arqyly jetkizý, árbir adamnyń qolynan kele bermeıdi. Osyndaı talantty jastar qoǵamǵa úlesterin qosyp jáne jalpy jastar saıasatyndaǵy qozǵalysty damytyp, elimizdiń rýhanı baılyǵyn keńeıtýde atsalysyp júrgen jastar barshylyq. 20 jyldan astam tarıhymen talaı jastardy bıik shyńdarda kórsetip júrgen bul oıynnyń orny erekshe.
Osyǵan oraı, Aqmola oblysy ákimdigi jáne ishki saıasat basqarmasynyń qoldaýymen Aqmola oblysy jastar-resýrstyq ortalyǵy «JAIDARMAN» ashyq ázil-syqaq festıvalin aǵymdaǵy jyldyń 29 juldyzynda ótkizdi. Qyzyqqa toly jergilikti komandalardan bólek, oıynǵa elimizdiń ózge qalalarynyń úzdik jaıdarmanshylary qatysty. Atap aıtsaq, elordamyz Astana, Semeı jáne Petropavl qalalarynan kelgen úzdik jaıdarmanshylar. Sondaı-aq, atalmysh sharaǵa QR «Jaıdarman» oıynynyń Prezıdenti – Esentúgel Eleýken qatysyp, óńirlik jaıdarmanshylarǵa qoldaýyn bildirip, oıynnyń óte joǵary deńgeıde ótkeni týraly toqtalyp ketti.
«Jaıdarman bul – jastardy bir ortaǵa jınaıtyn oıyn. Jas jaıdarmanshylarǵa aıtarym, komandalaryńyzda aýyz birshilik, syılastyq bolsyn. Bir-birlerińizdi túsine bilseńizder óte keremet komanda bolasyzdar. Eń bastysy daıyndyq... Qazirgi tańda elimizdiń túkpir-túkpir jerlerine baryp, atalmysh oıyndy tamashalap, tánti bop kelemin. Shynyda da nebir talantty jastarymyz bar ekenine kózip jetti. Osyndaı daryndy, satıraǵa qabileti bar jas urpaqty kóterýimiz kerek» - dep óz sózinde Esentúgel aǵamyz toqtalyp ketken bolatyn.
Oıyn qorytyndysy boıynsha I oryn jáne 500 myń teńge kólemindegi aqshalaı sertıfıkatpen, kýbokpen Astana qalasy, Eýrazııa Ulttyq ýnıversıtetiniń «Elıta» quramasy qanjyǵasyna baılady. II oryn jáne 250 myń teńge kólemindegi aqshalaı sertıfıkatpen Qosshy qalasy, «Qosshy» quramasy jáne Semeı qalasynan «Qaraǵaıly 34» komandasy ıe boldy. Al III oryn júldegerleri ataǵyna ıe bolǵandar jáne 150 myń teńge kólemindegi aqshalaı sertıfıkatpen Kókshetaý qalasynyń J. Mýsın atyndaǵy joǵary qazaq pedagogıkalyq kolledji, «Este qalsaq» jáne Semeı qalasynyń «Qyzdar emes» quramasy marapattaldy. «Úzdik ázil» nomınaııasyn «Shoqan» quramasy ıelense, «Úzdik oıynshy» nomınaııasyn – «Elıta» quramasynyń oıynshysy Naýryz Saparovqa buıyrdy. Ár nomınaııa júldegerlerine 50 myń teńgelik sertıfıkattar tabystaldy.
Jaıdarman súıer jankúıerler zalǵa lyq toly otyrǵanymen kóńilderi jaı bop, keremet áser alyp, oıyndy saǵynǵandary kórinip turdy. Árbir kórermen óz súıgen komandalaryna shynaıy shapalaq uryp, qoldaý kórsetip otyrdy.
"Adyrna" ulttyq portaly
